Womepatopo 02
Opoto Papa Karetarï wohoʼtopo ïan
Nono wararo kariʼnia pokonokon mondo ma ruʼme apoponoʼponamo, aʼkarïkaponamo, yeʼtunanoʼponamo maroro. Amumbotoro wane morokon paʼme oyapoponoʼpoharo opokonokon otïkon kïneinien? Ambïako owanïkïrï kanome moʼchotaʼmaye ijoseha amu oyasakarï tutasepa yeíʼpio ma. Ijokero ambïako mïkaye, ‹Amumbotoro wane omano juha neiyamba?› Juha kïneiyamba, ïngano Opoto Papa Karetarï moro eyuʼneme.
1. Neiara Opoto Papa Karetarï wohoʼtopo ïan?
Opoto Papa Karetarï oʼtonoʼme enï weʼchopo pokonomatoʼkon ke tanose yeijï onekarichïha neroʼkon kapïn ma, morote ijako roten morokon weijï ekarishan eropa, sherïmero ijomboro pioropïʼmarïpïa. Enïkon Opoto Papa Karetarï wïkatoʼkon ‹oyuwapono maro owohoʼtopo› ïamba oʼwa. (Erupïako Jeremiah 29:11, 12.) Moro uputïrï oro roten kïpokonokon enapoamba kïʼwainie, panaʼpe otïkon wekuraʼmarïpïaʼwa kïtoʼposaton, oronome towaʼpore kïweijïkon epopoamba eropa kïʼwainie.
2. Otïpan kuwaponokon ekarishan Opoto Papa Karetarï?
Opoto Papa Karetarï ‹uwaro romoʼno, ijoseha amu amorï, ijoseha wotiʼchapoʼnokonïmbo, ijoseha yeʼtunano› weijïmamba ekarishan. (Erupïako Revelation 21:4.) Uwaro wohoʼtopo weijï ekanoʼponamo otïkon uwaro ambore kïneiyamba, ijo wane woʼchotaʼmano, amu poko yaʼame weinio, anïkï, romoʼno eropa. Towaʼpore kariʼniakon emamïrïmamba ekarishan Opoto Papa Karetarï, poʼcho sherï weʼchopo ta oronomero nono kuho.
3. Neiara oyaʼta ambore nekatu Opoto Papa Karetarï nekarichïrï wohoʼtopo poko owotaʼmïcharï mïamba?
Apïimie amukon juʼpïngon otïkon weijïʼwa kïnohosaton, morote onuputïhapai mandon morokon tïwohoʼtoʼkon weijïmamba. Opoto Papa Karetarï wïkaʼmatoʼkonïmbo te amumepa ma. Ambore nekatu pioko kïwotamïʼcharïkon kisipiumanohoatomba ‹tuwarome Opoto Papa Karetarï tanokon mengarï› pato kïʼwainie. (Acts 17:11) Pioko owomeparï yakoro, oseke mupusa oʼto icharï amïʼcharïpïa oʼwa kuwaponokon poko.
Koroʼna nekatu osaʼmichako
Ambore oʼto kuwaponokon poko Opoto Papa Karetarï wïkaʼmatoʼkonïmbo uputïʼmako. Eneko neiara moro kïwohoʼtoʼkonʼwa kariʼniakon epatomarï eromero.
4. Opoto Papa Karetarï wohoʼtopo ïan oronome omano yeijïpïa poko enï weʼchopo wekuraʼmahopa ta
Eneko enïkon otïkon wejïman ekarichïʼmaho Opoto Papa Karetarïʼwa. Nei ambore nekatu oyapokurume na? Oʼtonoʼme?
Erupïako Opoto Papa Karetarï ta moro weʼchonoman me niekarichïʼmaho ponaro mieroʼmaho, ijombote enïkon woturupotoʼkon eyuʼko:
-
Owohoʼtopo ïan ro wane enïkon Opoto Papa Karetarï nekarichïʼmaho? Oyasakarïkon maro opanarïkon wohoʼtopo amu ïamba wane iʼyainie?
Eneko paʼme moropan weʼchopo ta owemamïrï
|
Amuro . . . |
Paʼpororo . . . |
|---|---|
|
|
|
|
|
|
|
|
|
|
5. Opoto Papa Karetarï nekarichïrï wohoʼtopo juha oyapoponoʼpoamba
Apïimie amukon yaʼame paneroten tuʼmendïkonme otïkon wïtorïʼwa tïweʼcheʼkaʼmaniepa mandon, ijoseha choho kïnereʼkoaton. Amukonïmbo tope kïneʼkuaton juʼpïa naka ero weʼchopo petakamatoʼmepa rïpïo. Eneko neiara Opoto Papa Karetarïʼwa otïkon wekuraʼmarïpïa ekarichïhoʼwa kariʼnia epatomarï erome maroro. Eneko moro Piʼcha, ijombote enïkon woturupotoʼkon poko orupïatoko.
-
Moro piʼchaʼme ta, otï yaʼame weinio choho Rafika pokonomano?
-
Oronge rorïpo moro yaʼame weinio pioropïhapai yeíʼpio, neiara Opoto Papa Karetarï Rafika epatomai?
Kïwohotoʼkoʼme Opoto Papa Karetarï nekarichïrïʼ kopatomatomba yaʼame kapoponoʼponamo kotamarïpïa poko, kïpokonokon enarïpïa poko roten eropa kïʼwainie. Erupïako Proverbs 17:22 maro Romans 12:12, ijombote enïkon woturupotoʼkon poko orupïatoko:
-
Mekanosamba Opoto Papa Karetarï nïrï wohoʼtopoʼwa owemamïrï epatomarïpïa erome maroro? Oʼtonoʼme?
Amukonïmbo ïngaton: «Otïkon weijïman ekarichïʼmaho Opoto Papa Karetarïʼwa asi yeijï kapïn.»
-
Oʼtonoʼme tïsepa mekanosan ipioro Opoto Papa Karetarï worupïari tonesepa yeijï?
Saniʼmieme enï womepatopo ekarichïrï
Opoto Papa Karetarï nïrï wohoʼtopo kïpokonokon enarïpïa poko roten kopatomaton, ororo towaʼpore omano weijïmamba ekarichïrï ke tïʼwa.
Jamarïme
-
Oʼtonoʼme kariʼnia tïwohoʼtopo amu sepa na?
-
Oʼto Opoto Papa Karetarï nïkano kïwohoʼtoʼkon poko?
-
Neiara mondo owohoʼtopo weijï erome maroro owepatomanopa?
Ambore pioko upuʼko
Ambore upuʼko neiara wohoʼtopo mondopa yeijï uputïrï opatomato paneroten yeijï.
Eneko neiara Opoto Papa Karetarï nekarichïrï wohoʼtopoʼwa moʼkaron oro roten anïkïrï niyorïkon poriʼchomarïpïa.
“Living With Chronic Illness—Can the Bible Help?” (Web article)
Enï piʼchame yaretarïkon uʼkuho enerï yako oʼwa, Opoto Papa nekarichïrï sherï weʼchopo ta paʼme oseneko towaʼpore owemamïrï oyasakarïkon maro.
Erupïako neiara amu woʼchotaʼmatonon ekataka ouranaʼmahombo weʼpetakamahopa Opoto Papa Karetarï nekarichïrï wohoʼtopo uputïhopa mero iʼya.
“I No Longer Feel That I Have to Change the World” (The Watchtower, July 1, 2013)
