Womepatopo 03
Opoto Papa Karetarï amïʼcharïpïa wane na?
Apïimie Opoto Papaʼwa oʼto tïweijï ekarichïʼmaho Charetarï ta ma, omepanokon ïrïʼmaho eropa iʼya. Koʼye neroten uputïsepa oweijï, ijako roropa te ambïako asi metïʼkaye. Tamïʼchasepa oʼwa na amu penato paneroten kareta oʼto ichaʼmaho? Amïʼcharïpïa na erome maroro juhapa pore neroten omanopa ekarichïho iʼya, koroho eropa? Apïimie amukon kïnamïʼchaton. Oʼwa eropa koʼye amïʼcharïpïa kïsenen.
1. Worupïatoʼkonïmbo roten na, taʼro eíʼmiasamba ekatu na?
Opoto Papa Karetarï ‹ipioronokon ourananokon› meroʼmahome kïnokarishan. (Ecclesiastes 12:10) Mondo eíʼmiasangonïmbo kariʼniakon poko kïnekarishan, oʼto yeíʼmiasangonïmbo eropa. (Erupïako Luke 1:3; 3:1, 2.) Moʼkaron penaronokonïmbo poko upuʼtoʼme nono saʼmichanamoʼwa topoye ma Opoto Papa Karetarï nekarichïrï kariʼniakon etïkon, otïkon poko yeíʼmiasan ekarichïʼmaho, owe moro paʼme yeíʼmiasan, neiako eropa.
2. Neiara Opoto Papa Karetarï wotaʼkurupïa noro kïsupusaton?
Apïimie otïkon ta, kariʼniaʼwa pioko uputïrï uwapo Opoto Papa Karetarï ta mondopa hukon mieroho ma. Ijo wane, nono poko uputïʼmanamonïmboʼwa uputïʼmaho paʼmero ekarichïʼmaho icha ma. Koromone oʼto Paipïrï wïkarï onamïʼchaha pore tïweíʼmiainie mandon. Erome te, ipororo oʼto icharï tupusepa iʼyainie ma. Opoto Papa Karetarï ekemaha roten ipioro ma, ‹tamïʼchamïmba eropa moro eromero, oronomero eropa.›—Psalm 111:8.
3. Oʼtonoʼme kïsamïʼchatomba oʼto Opoto Papa Karetarï wïkarï kuwaponokon poko?
Opoto Papa Karetarï ta otïkon weijïman ekarichïʼmaho ma, ‹eíʼpia noro weʼchonon otïkon.› (Isaiah 46:10) Eíʼmiasanmepa kïnuputïrïkon erome, penaro paneroten yeijï uwapo tokarishepa iʼya ma. Moro eropa, eromero neiara enï weʼchopo wïtorï ipioro tokarishepa iʼya yeíʼpiombo ma. Enï womepatopo ta, amukonïmbo ichaʼmatoʼkonïmbo kïseneyaton. Onuminganohoto ipio neroten yeijï ma!
Koroʼna nekatu osaʼmichako
Asi eneko neiara oʼto Opoto Papa Karetarï wïkarï osepaʼme yeijï nono poko uputïʼmanamonïmboʼwa uputïʼmaho maro, neiara eropa ipioro paneroten niekarichïʼmahombo weíʼmiahopa.
4. Osepaʼme oʼto icharï ma nono poko uputïʼmanamonïmboʼwa uputïʼmaho maro
Penaro yakoinie tapoʼnïnepa moro nono ekanosaton amukon. Eneko moro Piʼcha.
Eneko otï merohombo Job karetarï ta 3,500 siricho penaro yako. Erupïako Job 26:7, ijombote enï woturupotopo poko orupïatoko:
-
Oʼtonoʼme ‹otïro poko watï moro nono sereremaho iʼya ma› ichaho, onuminganohotopa na?
Moro siricho 1800 yakoinie roten neiara konopo wokïrïrï juha tuputïʼma ma. Morote eneko oʼto Opoto Papa Karetarï wïkahombo koʼyeʼko watï. Erupïako Job 36:27, 28, ijombote enïkon woturupotoʼkon poko orupïatoko:
-
Oʼtonoʼme enï takure ekarichïho neiara konopo wokïrïrï poko apoponohoto paneroten na?
-
Enïkon koromoro Opoto Papa Karetarï ta onerupïaʼmaho owotamïʼcharï poriʼchomaipia?
5. Opoto Papa Karetarïʼwa opotonon otïkon weijïman tokarichïʼma ma
Erupïako Isaiah 44:27–45:2, ijombote enï woturupotopo poko orupïatoko:
-
Otïkon ne Opoto Papa Karetarïʼwa tokarishe Babylon wotaʼmorokarïpïa poko na 200 siricho yeijï uwapo?
Otïkon weíʼmiahombo poko upuʼnamoʼwa tokarishe ma moʼko Persia yopotorï Cyrusʼwa, tïsojarïkon maro Babylon yamenarijï apoíhiopa 540 siricho Jesas womarï uwapo. Moro amenari eiyomanen iʼpiorijï iʼyainie tïsamanohopa ma yeʼkandomepa. Ijombote tïwoʼmïpa etaputïʼma yeíʼpio taka mandon, tïweʼchoponamo maro oʼohainiero moro amenari tapoiyepa iʼyainie ma. Erome, 2,500 siricho yeíʼpiopa pahopo, Babylon taʼmorokahopopa noro ma. Eneko oʼto Opoto Papa Karetarï wïkahombo.
Erupïako Isaiah 13:19, 20, ijombote enï woturupotopo poko orupïatoko:
-
Oʼto Babylon tïyepa na pioko ekarichïʼmahombo ouranano piaʼmero yeíʼpiopa upuhotoʼme?
Babylon aʼmorokahopa uʼkuho eromero Iraq po
6. Opoto Papa Karetarïʼwa erokome kïnenerïkon otïkon tokarichïʼmapa yeíʼpiombo ma
Erome kïkuriʼchanorïkon koʼmano Opoto Papa Karetarï ‹ijomboromenekon kuriʼchakon me›. (2 Timothy 3:1) Eneko oʼto Opoto Papa Karetarï wïkarï kïkuriʼchanorïkon poko.
Erupïako Matthew 24:6, 7, ijombote enï woturupotopo poko orupïatoko:
-
Otïkon tokarichïʼma Opoto Papa Karetarïʼwa na moro ‹ijomboronekon kuriʼchakon› upuhotoʼkonʼme?
Erupïako 2 Timothy 3:1-5, ijombote enïkon woturupotoʼkon poko orupïatoko:
-
Neiara kariʼniakon emerï weijï tokarishe Opoto Papa Karetarïʼwa na ‹moro ijomboronekon kuriʼchakon› yako?
-
Neiʼpiangonïmbo enïkon omeyanokon amoro meneyan?
Amukonïmbo ïngaton: «Paipïrï ta worupïatoʼkonïmbo roten ma, penatonoʼmin.»
-
Amoro te, otïne nupuhoan oʼwa Opoto Papa Karetarï tamïʼcharï taropa yeijï?
Saniʼmieme enï womepatopo ekarichïrï
Tamïʼchamïnme Opoto Papa Karetarï upuhoan niekarichïʼmaho weíʼmiahopa, osepaʼme eropa yeijï otïkon weíʼmiahombo poko uputïʼmanangonïmbo nuputïʼmaho maro.
Jamarïme
-
Worupïatoʼkonïmbo roten Opoto Papa Karetarï ta na, taʼro eíʼmiasamba ekatu na?
-
Otïkon ta osepaʼme Opoto Papa Karetarï nïsan nono poko uputïʼmanamonïmboʼwa uputïʼmaho maro?
-
Mekanosamba wane Opoto Papa Karetarïʼwa kuwaponokon ekarichïrïpïa? Oʼtonoʼme?
Ambore pioko upuʼko
Mondopa wane nono poko uputïʼmanamonïmboʼwa uputïʼmaho weinio iʼchorïpo pore Paipïrï worupïaho na?
Otïkon nupuhoan ‹ijomboromenekon kuriʼchakon› ta komamïrïkon?
“6 Bible Prophecies You Are Seeing Fulfilled” (The Watchtower, May 1, 2011)
Upuʼko neiara moro Greek niyopotomarï poko oʼto Opoto Papa Karetarï wïkahombo piaʼmero yeíʼpiopa.
Eneko neiara Opoto Papa Karetarï wïkaʼmatoʼkonïmbo wopïʼmahopa uputïhoʼwa mose kariʼnia wonumingarï petakamahopa moro kareta poko.
