Womepatopo 04
Noʼkï Opoto Papa?
Kariʼnia emamïrï wotapoíʼpioporo, oʼwin watï tïwokunamatoʼkoʼme niekïrïʼmasan ma. Morote, Opoto Papa Karetarï oʼwin Opoto Papa ekarishan ‹ijomboro amukon roten wokunamatoʼkon kohono.› (2 Chronicles 2:5) Noʼkï na? Otï eropa ijomboro amukon roten kariʼnia wokunamatoʼkon koho nïan? Enï womepatopo ta, eneko neiara mosero Opoto Papa wosekarichïrï oʼwa.
1. Neiara Opoto Papa etï na, neiara eropa kïsupusaton totï uputïsero kïʼwainie yeijï?
Tïkaretarï ta Opoto Papa kïnosekarishan kïʼwainie. Ïngano: ‹Awu hero Jehoba. Moro hero yetï.› (Erupïako Isaiah 42:5, 8.) Moro etï «Jehoba» Hebrew euran weinio tïka ma; «ishe tïweíʼpio paʼmero otï ïponen» ichaho moro. Jehoba totï uputïse kïʼwainie ma. (Exodus 3:15) Neiara taʼro moro weijï kïsupusaton? Tïkaretarï ta iʼya 7,000 boto totï tïmeropo ma! a Moro otïano Jehoba ‹moʼko ipiorono Opoto Papa, kapu maro nono Yopotorïʼwano› neroʼkon moro.—Deuteronomy 4:39.
2. Otï upuhoan Charetarï Jehoba poko?
Moro Paipïrï Jehoba neroʼkon moʼko ipiorono Opoto Papa me yeijï ekarishan ijomboro amukon roten kariʼniakon wokunamatoʼkon weinio. Oʼtonoʼme moʼko neroʼkon ipioronome na? Apïimie ma oʼtonoʼme watï. Jehoba ijomboro yopotonanokon kohono moʼko, moʼko neroʼkon eropa ‹ijomboro chohonokon tïaroro nono epo.› (Erupïako Psalm 83:18.) ‹Ijomboro chohono poripiïn moʼko,› oʼtoro tïweíshe tïweʼchopo poriʼchorï miaro weʼchoto. Moʼkoʼwaro ‹ijomboro otïkon tokïrïʼma ma› kapu maro nono ta. (Revelation 4:8, 11) Amuro paʼme kapïn eropa, Jehoba amu nekïrïho kapïn moʼko. Imieroro mondo tïweiye ma, oronome eropa kïnemaiyan.—Psalm 90:2.
Koroʼna nekatu osaʼmichako
Eneko neiara amumepa Opoto Papa koʼmatoʼkon weijï moro iʼyano neroʼkon etï weinio. Ijombote omepako neiara totï upuhoho iʼya oʼwa, oʼtonoʼme eropa.
3. Opoto Papa koʼmatoʼkon apïimie ma, etï te oʼwin mia
Neiara amumepa koʼmatopo weijï upuʼtoʼme otïano weinio, eneko moro Piʼcha, ijombote enï woturupotopo poko orupïatoko.
-
Neiara amumepa komaʼtopo roten na, ijowane Yopoto, otïano rone weinio?
Opoto Papa Karetarï kïnekarishan kariʼniakon wokunamarï apïimie otïkonʼwa. Erupïako Psalm 136:1-3, ijombote enï woturupotopo poko orupïatoko:
-
Noʼkï ‹moʼko ijomboro chohonokon wokunamatopo, ijomboro yopotonon kohono yopoto›?
4. Jehoba totï uputïse oʼwa ma, aʼkuse eropa oʼwa ma
Neiara mupusan totï uputïse oʼwa Jehoba weijï? Eneko moro Piʼcha, ijombote enïkon woturupotoʼkon poko orupïatoko.
-
Totï uputïse wane Jehoba amukonʼwa na? Neiara moro mupusan?
Jehoba totï aʼkuse kariʼniaʼwa ma. Erupïako Romans 10:13, ijombote enïkon woturupotoʼkon poko orupïatoko:
-
Oʼtonoʼme tïsepa Opoto Papa etï Jehoba aʼkuru na?
-
Neiara motapoan oyetï onutaʼkaha amu weíʼpioto, ijombo oyetï taro oyewatorï yako iʼya?
-
Neiara mekanosan Jehoba wotaporï totï aʼkuru yako oʼwa?
5. Jehoba tïpïanarïme oweíshe ma
Cambodia pono worïi Soten totïnen, ‹Opoto Papa etï uputïho ïʼwa otïro koho juha yapoponohoneme neí,› tïka ma. Eneko moro Piʼcha, ijombote enï woturupotopo poko orupïatoko.
-
Moro piʼchaʼme ta, neiara Opoto Papa etï uputïho tïʼwa Soten poko tïweiye na?
Amu panarïme oweijï uwapo, etï nasen oʼwa tuputïse ma. Erupïako James 4:8a, ijombote enïkon woturupotoʼkon poko orupïatoko:
-
Oʼto oweijï poko oyapokumano Jehoba?
-
Neiara Opoto Papa etï uputïrï, aʼkuru eropa owepatomanopa pionaro oweijï poko pianarïme?
Amukonïmbo ïngaton: «Ijomboro kariʼnia nioroʼwa meʼme kïnokunamaton, ijokero neiara choʼmase tïweijïkon paʼmero kinichoʼmaton.»
-
Mamïʼchanopa Jehoba ro Opoto Papa etïme yeijï?
-
Neiara mekarishamba amuʼwa totï aʼkusepa Opoto Papa weijï kïʼwainie?
Saniʼmieme enï womepatopo ekarichïrï
Jehoba hero moʼko oʼwin ipiorono Opoto Papa etï. Totï uputïse kïʼwainie ma, aʼkuse eropa kïʼwainie ma tïpïanarïme kïweʼchoʼkoʼme.
Jamarïme
-
Neiara Jehoba amumepa na paʼporo moʼkaron amukon roten wokunamatoʼkon weinio?
-
Oʼtonoʼme Opoto Papa etï taʼkusepa kïʼwainie na?
-
Otï nupuhoan oʼwa tïpïanarïme oweíshe Opoto Papa weijï?
Ambore pioko upuʼko
Eneko otoneinia paʼme oʼtonoʼme watï mondopa Opoto Papa weijï amïʼchatopopa.
Erupïako neiara imieroro mondopa Opoto Papa weíʼpiombo ipioro yeijï.
Upuʼko oʼtonoʼme Opoto Papa etï aʼkusepa kïweijïkon neiara koromonenokonïmbo pioʼchorïkonʼwa eyatohombo onuputïha rorïpo kïweijïkon seʼme.
Oʼto watï eyatose kïweíshan paʼme roten Opoto Papa eyatorï na? Eneko oʼtonoʼme oʼwin roten etï weijï.
a Ambore upuʼtoʼme oʼwa oʼto ichahome Opoto Papa etï weijï, oʼtonoʼme eropa amukonïmbo Charetarï meroʼmaho ta etï kaʼmahopa, eneko Appendix A4 moro New World Translation of the Holy Scriptures ta.
