Womepatopo 05
Paipïrï ta Opoto Papa euranaho ma kïʼwainie
Jehobaʼwa kïʼwainie poʼcho paneroten otï tïye yeíʼpio ma—66 karetaʼmakon ta touran meroho oʼwin kareta piʼpio Paipïrï ta. Ambïako te monumingaye: ‹Owenombo moro Paipïrï? Noʼkï karetarï ne na?› Enïkon eyuʼtoʼme, oro nasen kïtorupïasen neiara Opoto Papa euranïmbo wopïhombo kïʼwainie.
1. Kariʼniakonʼwa mierohomboto, neiara sheʼme Opoto Papa Karetarïme na?
Paipïrï tïmero yeíʼpiombo ma 40 kariʼniakonʼwa. Moro koromoneno chano kareta tïmero 3,500 siricho penaro yako ma, moro ijomboromene te erome 1,900 siricho mierohombo ma. Amukon meʼme me etuwaroʼmasan moʼkaron mieronangonïmbo. Sheʼmete, tïaʼroro inimieroʼmasan osepaʼme ma. Neiara moro na? Opoto Papa ro kombaijo meroponenïmbo. (Erupïako 1 Thessalonians 2:13.) Oseke tïwonumingarïkon onimieroha moʼkaron mieronamo tïweiye ma. ‹Opoto Papa euranïmbo te iʼyainie tokarishe ma, tarorïkon yakoro moro yeinio wïtototo pioriʼchorïʼwa.› (2 Peter 1:21) Opoto Papaʼwa tïporiʼchorï taʼkumaʼma moʼkaron mieronamo wonumingarï taka tïwonumingarï ïtoʼme touran merotoʼme.—2 Timothy 3:16.
2. Noʼkan nosepatomatomba Opoto Papa Karetarï weinio?
‹Paʼporo amukon meʼme weʼchopo tanokon kariʼniakon, amukon meʼme eurangon› kïnosepatomatomba moro juhïn ouranano Opoto Papa Karetarï tano weinio. (Erupïako Revelation 14:6.) Opoto Papa amuro kareta koʼpo apïimie amukon meʼme ourananokon ta tïkaretarï meropoan kïakoinie. Tïaʼropa pore neroten joke kariʼniakon maro mondopa ma, oronge rorïpo owe emamïrïkon ijoseha otï eurangome yeijï.
3. Neiara Jehobaʼwa Tïkaretarï tïwariyaʼtoʼma na utapïrïpïa pona?
Koromo Opoto Papa Karetarï mierohomboto, mierotoʼkonïmbo penatome omandonon kapïn morokon, ijowane noʼkan pishan, moro wewe papyrus kapïho eropa. Morote, tapokurume Opoto Papa Karetarï enenamoʼwa koromone mierohombo paʼmero apïimie iʼyainie tïmeropa iʼpietakangon weíʼpio ma. Amukonïmbo yopotonon Opoto Papa Karetarï utaʼkase paneroten tïweiye mandon, eiyomanangonʼwa te tonaiyepa yeíʼpio ma tïworïkomba uputïrï seʼme rorïpo tuputïsandopa. Jehoba amuʼwaro, ijoseha otïʼwaro, pioroʼkarï kapïn kïʼwainie euranarï poko. Charetarï ïngano: ‹Opoto Papa euran oronomero kïnemaiyan.›—Isaiah 40:8.
Koroʼna nekatu osaʼmichako
Ambore upuʼko neiara Opoto Papaʼwa kariʼniakonʼwa Tïkaretarï meropohombo, neiara onutaʼkapohapai yeíʼpio, neiara eropa ijomboro kariʼniakonʼwa epoporïpïa iʼya.
4. Moro Paipïrï noʼkïʼwa tïmeropohombo upuhoan
Eneko moro Piʼcha. Piahopo erupïako 2 Timothy 3:16, ijombote enïkon woturupotoʼkon poko orupïatoko.
-
Kariʼniakonʼwa Opoto Papa Karetarï merohomboto, oʼtonoʼme Opoto Papa Euran me choʼmarï na?
-
Amïʼcharïpïa mekanosan Opoto Papaʼwa tïwonumingarï ïrïpïa kariʼniakon wonumingarï taka mierotoʼme iʼyainie?
Tïyopotorï karetarï meronen oseke touran onimierohapai mia, tïyopotorï euran te. Paipïrï meroʼmanangonïmbo kariʼniakon eropa oseke tourangon onimierohapai tïweiye mandon, Opoto Papa euran te
5. Opoto Papa Karetarï tutaʼkasepa weinio onetaharo tïweiye ma
Opoto Papa Karetarï taʼroro yeinionome aʼta, kïsupusaton eiyomarïpïa iʼya utapïrïpïa weinio. Penaro weiniomboro yopotonon Opoto Papa Karetarï utaʼkasepa mandon. Chosi yopotorïkon kïnonaiyaton tïwomepasangon weinio. Amukon rotenʼwa te, toiyomaʼma Opoto Papa Karetarï weíʼpio ma utaʼkasangomba weinio, tïworïkomba uputïrï seʼme rorïpo tuputïsandopa. Oʼwin amu moro paʼmero eíʼpiombo kariʼnia poko upuʼtoʼme, eneko moro Piʼcha, ijombote enïkon woturupotoʼkon poko orupïatoko.
-
Ambore nekatu Opoto Papa Karetarï erupïase oyïpoharo neí uputïho oʼwa tïworïkomba onetaharo kariʼniakon weíʼmiasan piatotoʼmepa kïʼwainie?
Erupïako Psalm 119:97, ijombote enï woturupotopo poko orupïatoko:
-
Oʼtonoʼmene apïimie kariʼniakonʼwa, tïworïkomba uputïrï seʼme rorïpo, Paipïrï amukon meʼme ouranano ta iʼyainie tïmeroʼma na, tokamïʼma eropa na?
6. Paʼporo kariʼniaʼwano kareta moro
Opoto Papa Karetarï ijomboro karetakon koho tokainien moro, amukon meʼme ourananokon ta eropa. Erupïako Acts 10:34, 35, ijombote enïkon woturupotoʼkon poko orupïatoko:
-
Oʼtonoʼme Opoto Papa amukon meʼme ouranano ta Touran meropoan, nekamboan eropa?
-
Otïne Opoto Papa Karetarï poko oyapokurume na?
100%
ponaro, tïaʼropa pore nono wararo kariʼnia weíʼpio
maro Paipïrï mondopa ma niuputïrïkon ouranano ta
Mondo ma
3,000
koho ourananokon ta
tïaʼro mieroho ijoseha oseʼra paʼme
5,000,000,000
paʼme Paipïrï tïmeropa yeíʼpio ma,
tïse paneroten amuro kareta koho
Amukonïmbo ïngaton: «Paipïrï penatombo kareta roten moro, kariʼniakonïmbo nimierohombo.»
-
Oʼto moroʼwa mïkano amoro?
-
Otï moropo upuʼpotoʼmepa na Paipïrï Opoto Papa euran mero yeijï?
Saniʼmieme enï womepatopo ekarichïrï
Opoto Papa Karetarï euran meroho moro, paʼpororo kariʼniakonʼwa eropa kïnepopoan.
Jamarïme
-
Neiara Opoto Papaʼwa kariʼniakonʼwa tïkaretarï tïmeropo ma?
-
Otï oyapoi Opoto Papa Karetarï utaʼkasepa amukon weíʼpiombo uputïho oʼwa, ijoseha apïimie paneroten amukon meʼme ouranano ta mierohopa, ekamïhopa eropa?
-
Neiara oyaponohoan ijomboro oʼto Opoto Papa weíʼmiaho touranatoʼme kïʼwainie Tïkaretarï pato?
Ambore pioko upuʼko
Erupïako neiara Opoto Papa Karetarï wopïhombo poko kïʼwainie koromonene mieroho weiniomboro.
Upuʼko otï morokon oruwa otïkon Paipïrï utaʼkanamomepa rïpo eíʼmiasan.
“The Bible—A Story of Survival” (The Watchtower No. 4 2016)
Erupïako neiara amukonʼwa Opoto Papa Karetarï meroʼmahombo tïworïkomba uputïrï seʼme rorïpo tuputïsandopa.
Opoto Papa Karetarï apïimiemboto tïmeropa yeíʼpio ma, amukon meʼme ouranano taka eropa tïye ma. Neiara mupusamba ipioro mieroʼmaho kïmaroinie yeijï?
“Has the Bible Been Changed or Tampered With?” (Web article)
