Womepatopo 06
Neiara omano tïwotapoiye na?
‹Opoto Papa hero moʼko omano yeinio yoʼtopo.› (Psalm 36:9) Mamïʼchanopa moro? Amukonïmbo ïngaton omano ekïrïnenïmbo uwaro ma, oseke roten otïkon tïwokïrïʼma ma. Moro paʼme aʼta joke, morombopo roten mondo tïweiye kïweíshan ma. Morote Jehobaʼwaro omandonon ekïrïhomboto, mondopa ijako oʼtonoʼme watï moro paʼme yeíʼpiombo ma, taro wane? a Eneko oʼto Opoto Papa Karetarï wïkaho omano wotapoíʼpiombo poko, oʼtonoʼme eropa oʼto icharï amïʼcharïpïa.
1. Neiara ijomboro otïkon tïwokïrïʼma na?
Paipïrï ïngano: ‹Yotapoijïme Opoto Papaʼwa kapukon maro nono tokïrï ma.› (Genesis 1:1) Apïimie nuse omepaʼmasan, nono poko upuʼnamo, amuʼwa omano apoiʼpiohombo ma ïngaton. Neiara Opoto Papa otïkon ekïrïʼmai? Tïweinio wïtoto tïporiʼchorï iʼya taʼku ma ijomboro otïkon ekïrïtoʼme nono kuʼpo, apïimie paneroten eropa sirichokon weíshan nuse.—Genesis 1:2.
2. Oʼtonoʼme Opoto Papaʼwa nono tokïrï na?
Jehobaʼwa ‹nono tokïrï ma charïha yeʼchoʼme kapïn, tïtarïke yeʼchoʼme te.› (Isaiah 45:18) Oronomero tomambore iʼchuho kariʼnia emandoʼme iʼya tokïrï ma. (Erupïako Isaiah 40:28; 42:5.) Moʼkaron nono poko upuʼnamoʼwa tokarishe ma oronge rorïpo apïimie nono enekangon ekïrïʼmaho weijï, enï iʼchuho kïweʼchoʼkon nono kuʼpo neroʼkon kariʼnia kïnemaiyamba.
3. Neiara kariʼnia amumepa noʼkangon weinio na?
Nono ekïrïho weiniombo tïʼwa, Jehobaʼwa omandononʼno iʼchuho tokïrïʼma ma. Koromone, taʼnoʼkapa enï nono iʼya wonatoʼkon ke ma, noʼkangon ke eropa. Ijombote, ‹kariʼnia iʼya tokïrï ma toneke.› (Erupïako Genesis 1:27.) Otï amumepa kariʼnia ïan? Toneke Opoto Papaʼwa kokïrïʼmasan ke, emerï paʼmero kïtaton, ijowane otapokume kïweijïkon, juha amu poko kïweijïkon eropa. Amukon roten ouranano poko kïwomeparïkomba eropa kïtakainie iʼya tïye ma, kapokurukome otïkon kurangon ekïrïʼmasan weijï, sinia warerï eropa. Noʼkangonïmbo paʼme kapïn, Kokïrïnamonïmbo kapokurume kïseneyatomba, pianarïme eropa kïseiyatomba.
Koroʼna nekatu osaʼmichako
Amuʼwa rorïpo omano apoiʼpiohombo upuhotoʼkon eneko, ipioro eropa oʼto Opoto Papa Karetarï wïkarï moro poko. Upuʼko eropa neiara kariʼnia emerï weijïʼwa Opoto Papa upuhorïpïa.
4. Omandonon amuʼwa tokïrïʼmainie mandon
Kariʼniakon nuse tïrïkon epoaton Opoto Papa nekïrïʼmasan enerï poko otï ekïrïhoto tïʼwainie. Ijoke noʼkïne rorïpo nuse tïrï taro na? Eneko moro Piʼcha, ijombote enï woturupotopo poko orupïatoko.
Piʼcha: Belief in God (2:43)
-
Otïkon ekïrïrï poko kariʼnia tïwomepaʼma na Opoto Papa nekïrïʼmasan enerï poko?
Ijomboro oʼtokon ekïrïnenïmbo mondopa ma. Noʼkïʼwa katu ijomboro otïkon tokïrï yeíʼpio na? Erupïako Hebrews 3:4, ijombote enïkon woturupotoʼkon poko orupïatoko:
-
Otï amu Opoto Papa nekïrïho choho oyapoan?
-
Amïʼcharïpïa na ijomboro otïkon ekïrïnenïmbo mondopa yeijï, ishe tïweíʼpio paʼme eropa ekïrïʼmasan iʼya? Oʼtonoʼme amïʼcharïpïa na?
Mupusan ro enï?
Enï worupïatopo poko torupïamïngon, piʼchakon eropa mepoapa jw.org ta enï paʼme totïnamo «Amuʼwa moro paʼme tokïrï na?» maro «Oʼto amukon wïkarï omano wotapoíʼpiombo poko».
‹Ijomboro oʼtokon ekïrïnenïmbo mondopa ma; moʼko ijomboro otïkon Ekïrïnenïmbo te Opoto Papa.›
5. Oʼto Opoto Papa Karetarï wïkarï amïʼcharïpïa ma niekïrïʼmasan poko
Genesis chapta 1 ta, Opoto Papa Karetarï neiara nono ekïrïhombo ekarishan, iʼchuho omandonon eropa. Oʼto icharï amïʼcharïpïa na, worupïatopombo roten ekatu na? Eneko moro Piʼcha, ijombote enïkon woturupotoʼkon poko orupïatoko.
-
Paipïrïʼwa oʼwin yopimiaho kuriʼcha ta nono maro ijomboro chanokon tokïrïʼma ma icharï yako, kariʼniaʼwa neiara kuriʼcha uʼkuruʼwa ichaho na?
-
Amïʼcharïpïa na neiara omano wotapoíʼpiombo ekarichïrï Paipïrïʼwa? Oʼtonoʼme hero moro paʼme mïkano?
Erupïako Genesis 1:1, ijombote enï woturupotopo poko orupïatoko:
-
Mondopa kapu maro nono wotapoíʼpiombo ekarishaton moʼkaron nuse omepaʼmasan nono poko upuʼnamo. Koromoro Paipïrï ta onerupïaho paʼmero moro na?
Amukonïmbo Opoto Papaʼwa oʼwin otïmbo weinio ijomboro amukon meʼme omandonon ekïrïpohombo ekanosaton. Erupïako Genesis 1:21, 25, 27, ijombote enïkon woturupotoʼkon poko orupïatoko:
-
Paipïrï wane Opoto Papaʼwa oʼwin otïmbo ekïrïho ekarishan, ijombo wotome yeʼpetakamahopa, arawatambome, koí yatï ijombo kariʼniame? Uwa, amukon me meʼme ekatu iʼya tokïrïʼmainie nandon ‹tïpïangon› paʼkatoʼme iʼyainie? b
6. Kariʼnia amume neroten tokïrïʼmainie mandon
Amumepa kïtaton Jehoba nekïrïʼmasan noʼkangonïmbo weinio. Erupïako Genesis 1:26, ijombote enï woturupotopo poko orupïatoko:
-
Tomerï ta Opoto Papaʼwa kokïrïʼmasan ke, otï upuhoan Opoto Papa poko otapokume kïweijïkon, amu pïne kïweijïkon eropa?
Amukonïmbo ïngaton: «Paipïrïʼwa Opoto Papaʼwa okïrïhombo ekarichïrï worupïatopombo roten moro.»
-
Oʼto moroʼwa mïkano? Oʼtonoʼme?
Saniʼmieme enï womepatopo ekarichïrï
Jehobaʼwa kapu maro nono tokïrï ma, ijomboro omandonon eropa.
Jamarïme
-
Oʼto Opoto Papa Karetarï omepato na kapu maro nono wotapoíʼpiombo poko?
-
Opoto Papa oʼwin otïmbo ekïrïi amukonme meʼme yeʼpetakamatoʼmepa, amukonme meʼme ekatu imiero iʼya tokïrïʼmainie nandon?
-
Otï amume kariʼnia ïan noʼkangon weinio?
Ambore pioko upuʼko
Mondopa otïkon ekïrïnenïmbo weijï upuʼko niekïrïʼmasan poko.
Eneko neiara amu yumïnanoʼwa Paipïrïʼwa neiara otïkon wokïrïʼmaho ekarichïho upuhorï tïmuruʼmeʼwa.
“Jehovah . . . Created All Things” (2:37)
Oʼwin otïmbo ekïrïho wane tïweʼpetakamaʼma amukon me meʼme na, tokïrïho paʼme ekatu ijomboro otïkon na? Enï torupïamïn erupïako upuʼtoʼme.
“Did God Use Evolution to Create the Different Types of Life?” (Web article)
Eneko neiara penatononïmbo noʼkan yesan eporïʼmaho pioko upuʼnamoʼwa, amuʼwa rorïpo omano ekïrïhombo upuhorï.
a Womepatopo 25 ta kïnekarishan oʼtonoʼme Opoto Papaʼwa kariʼnia ekïrïhombo.
b Paipïrï ta ‹tïpïangon› ichahoto, tïwatonon ichaho moro, tonekangon.
