Womepatopo 07

Noʼkï wato Jehoba?

ETOKO

Noʼkï wato Jehoba?

Owonumingarï yako Jehoba poko, noʼkï watome mekanosan? Nuseno paneroten me mekanosan, ijokero uwambomeʼko kïweijïkon iʼya? Otï poriʼpiïn paneroten me ekatu mïan, uwapai te yotaporï, poripiïn paneroten ishano tamuru paʼme? Noʼkï watone Jehoba? Tïkaretarï pato Jehobaʼwa amukonïmbo tomerïkon tupuhoʼmapo ma, tuwaropa eropa opona tïweijï.

1. Oʼtonoʼme kïʼwainie Opoto Papa enerï kapïn na?

‹Opoto Papa onepïn moʼko.› (John 4:24) Jehoba roʼnerï kïroʼnerïkon paʼme kapïn ma. Onepïmbai moʼko kapu ta omandoto, enerï kapïn kïʼwainie weʼchoto wechopo.

2. Otï amukonïmbo Jehoba emerïkon?

Oronge rorïpo Jehoba enerï kapïn kïʼwainie ma mondopa yeʼchoto te moʼko. Uputïhoto kïʼwainie kapokurukome kïneiyan kurangon kombaijo emerïkon ma. Charetarï ïngano: ‹Jehoba apokurume juhïn poko yeijï ma, taʼro tïʼwa weʼchonon norïpïa kapïn eropa iʼya ma.› (Psalm 37:28) ‹Sawoʼne neroten amu poko weʼchoto moʼko, pïnan eropa,› moʼkaron woʼchotaʼmatonon poko nero. (James 5:11) ‹Jehoba moʼkaron ewanï yeʼtunanopïsan ponaro ma; moʼkaron piokonokon yeʼcheʼkaʼmaposepa weʼchonon epatomano.› (Psalm 34:18) Mupusan ro Jehoba ewaʼpoʼroporïpïa kïʼwainie, ijoseha yaʼame apoponoʼporïpïa? Yaʼan poko weʼchoto choho yaʼame kïnapoponoʼpoan. (Psalm 78:40, 41) Icharï paʼme weʼchoto te, towaʼpore kïnapoponoʼpoan.—Erupïarï Proverbs 27:11.

3. Neiara Jehoba tapokurume kïweijïkon enepoan?

Ijomboro chohonokon Jehoba emerï hero tapokurume amu enerï iʼya. Charetarï ro ïngano, ‹Opoto Papa hero tapokurume amu enenen.› (1 John 4:8) Jehoba moro paʼme tïweijï enepoan Tïkaretarï pato neroʼkon kapïn, tïnekïrïʼmasan pato eropa te. (Erupïako Acts 14:17.) Eneko tïre neiara kokïrïʼmasan iʼya. Kurangon otïkon keneijïkon kïseneyatomba, kïponoʼponamo sinia warerïkon kïsetatomba, tïkatanoramo tonasen kïsuʼkuatomba. Towaʼpore kombaijo komamïseinie Jehoba ma.

Koroʼna nekatu osaʼmichako

Upuʼko otï aʼkuru Jehobaʼwa onuminganoʼpotonon paneroten otïkon ïpotoʼme. Ijombo te eneko neiara Jehobaʼwa kurangon paneroten tomerïkon upuhorï kïʼwainie.

4. Opoto Papa weinio wïtototo poriʼchorï

Ijowane koiniarïkon kïsaʼkuaton otï poko kïweʼchoʼkoʼme, Jehoba te tïweinio wïtototo tïporiʼchorï aʼkuan. Paipïrï kïnekarishan moro yeinio wïtototo pioriʼchorï kariʼnia kapïn me yeijï, otïkon poko tïweʼchoʼme niaʼkuru te. Erupïako Luke 11:13 maro Acts 2:17, ijombote enïkon woturupotoʼkon poko orupïatoko:

Opoto Papa tïporiʼchorïʼkaiyan moʼkaron pioko woturupotonon kuʼponaka. Joke kariʼnia aʼta mekanosan pioriʼchorï, uwa ekatu? Oʼtonoʼme hero moro paʼme mïkano?

Jehoba tïweinio wïtototo tïporiʼchorï aʼkuan onuminganoʼpotonon paneroten otïkon ïpotoʼme. Erupïako Psalm 33:6 maro 2 Peter 1:20, 21, ijombote enï woturupotopo poko orupïatoko:

Neiara Jehobaʼwa tïweinio wïtototo tïporiʼchorï taʼkuʼma na?

5. Jehoba emerïkon kurangon paneroten ma

Moses oʼkaha Opoto Papa amïʼchanenïmbo moʼko, ambore te juha uputïse pioko tïweiye ma. Ijokero Moses tïka iʼya ma: ‹Owemerïkon upuhoko ïʼwa, oyupuʼtoʼme ïʼwa.› (Exodus 33:13) Eyuʼneme, Jehobaʼwa amukonïmbo tomerï tupuho Mosesʼwa ma. Erupïako Exodus 34:4-6, ijombote enïkon woturupotoʼkon poko orupïatoko:

Neiʼpiangon tomerïkon Jehobaʼwa Mosesʼwa tupuho na?
Neiʼpiangon Jehoba emerïkon choho oyapokurume na?

6. Jehoba tuwaro amukon pona ma

Moʼkaron Hebrew-kon, Opoto Papa poʼchorïkonïmbo, Egypt ponokon napoyomarïkonïmbome tïweiye mandon. Neiara Jehoba tïwotapoʼma na tïpoʼchorïkon kotaʼmaporï yako? Etoko moro totamïn, ijombo yekenako Exodus 3:1-10 erupïarï, ijoseha oseke erupïako Opaipïrïrï ta. Ijombote enïkon woturupotoʼkon poko orupïatoko.

Totamïn: Jehoba yoʼchotaʼmarïkon pïne tïweiye ma (2:45)

Enïpo ekarichïho weinio, neiara Jehoba wotaporï upuhoan oʼwa kariʼnia woʼchotaʼmarï poko?—Verse 7 maro 8.
Taʼroro wane kariʼnia epatomase Jehoba mekanosan, ijoseha epatomatoʼkomba mondopa miaro na? Oʼtonoʼme hero moro paʼme mïkano?

7. Jehoba nekïrïʼmasan neiara emerïkon weijï upuhoan

Jehoba tomerïkon upuhoan tïnekïrïʼmasan pato. Eneko moro Piʼcha. Piaʼpopo erupïako Romans 1:20, ijombote enï woturupotopo poko orupïatoko.