Jehoba ambore juha tuputïse oʼwa ma. Oʼtonoʼme? Moro kombaijo ambore oʼwa tomerïkon uputïʼmarï mero, neiara otïkon poko tïweijï, otï se tïweijï eropa kariʼniaʼwanome, koʼye tïpïanarïme oweíshepa oweijï upusan. Opoto Papa panarïme te weiniopa na? (Erupïako Psalm 25:14.) Neiara pianarïme meiyamba? Opoto Papa Karetarï morokon eyusan, kïnupuhoan eropa oʼtonoʼme Jehoba maro osepaname weinio ijomboro otï kohonome yeijï.

1. Oʼto oweíshe Jehoba na?

‹Opoto Papa ponaro naka eʼcho, ijombo moʼko oponaro eropa kïneiyan.› (James 4:8) Oʼto ichaho moro? Jehoba tïpïanarïme oweíshe ma. Amukonïmboʼwa topepa ekanopïrï ma amu tïneneʼtorï maro osepaname tïweijïpïa, ijo wane Opoto Papa maro. Tïkaretarï Paipïrï ta te, Jehobaʼwa ijomboro tïpoko uputïsepa kïweʼchoʼkon tokarishe ma tïponaro naka kïweʼchoʼkonʼme. Oʼto kïʼwainie Opoto Papa wïkarï erupïarï yako Charetarï ta, amu noro osepaname miaro kïseiyatomba oneneha kïweijïkon seʼme rorïpo.

2. Oʼtonoʼne Jehoba amuro koho juhïn opanarïme neiyamba?

Amuro kombaijo Jehoba koho tapokurume owenehapaimia. Towaʼpore oweíshe ma, oweuranase eropa tïʼwa ma amumbotoro owepaton se oyaʼta. ‹Ijomboro owotaʼkarïkatoʼkon memaiyepa iʼchuhonaka, tuwaro kombaijo opona ma.› (1 Peter 5:7) Jehoba ekemaha roten aembo tïweíʼpio po ma tïpïanarïkon epatomatoʼme, juha apoponohotoʼkoʼme, eurangon etatoʼme eropa.​—Erupïako Psalm 94:18, 19.

3. Neiara Jehoba tïpïanarïkon weíshe na?

Paʼpororo kariʼnia Jehoba apokurume ma, ‹morote moʼkaron juhïn poko weʼchonon maro osepaname ma.› (Proverbs 3:32) Jehoba juha ma tïkaʼmatoʼkonïmbo poko tïpïanarïkon weíshe ma, yaʼangon otïkon poko te yeijïkon sehapaimia. Amukonïmbo ijomborone Jehoba wïkaʼmatoʼkonïmbo poko tïweijïkomba onekanopïhapai mandon. Jehoba te topan kapïn moʼko. Taʼroro tapokurume tonenen apoiyamba, tope weʼkutoto tïporï poko.​—Psalm 147:11; Acts 10:34, 35.

 Koroʼna nekatu osaʼmichako

4. Abraham Jehoba panarïmbo moʼko

Opoto Papa Karetarï worupïaho Abraham poko (moʼko Abram me eropa choʼmahombo), kïnupuhoan kïʼwainie oʼto ichahome Opoto Papa panarïme weinio. Erupïako Abraham poko Genesis 12:1-4 po. Ijombote enïkon woturupotoʼkon poko orupïatoko:

• Oʼto Abraham weíshe Jehoba tïweiye na?

• Otï epoporï tokarishe Jehobaʼwa iʼya na?

• Oʼto Abraham tïweiye na oʼto Jehoba wïkaho poko tïʼwa?

5. Neiara tïpïanarïkon weíshe Jehoba weijï

Mondopa yombo noʼkan watononme kïpïanarïkon weíshe kïweʼchoʼkon ma.

• Otïkon poko wane opanarïkon weíshe owekataka ma?

Erupïako 1 John 5:3, ijombote enï woturupotopo poko orupïatoko:

• Neiara Jehoba tïpïanarïkon weíshe na?

Jehoba amïʼchatoʼme kïʼwainie koʼye tïʼpetakamasepa neiara kïwoseneporïkon ma, komerïkon eropa. Erupïako Isaiah 48:17, 18, ijombote enï woturupotopo poko orupïatoko:

• Oʼtonoʼme Jehoba tïpïanarïkon weʼpetakamase na?

 6. Otïkon ta Jehobaʼwa tïpïanarïkon epatomarï

 Saniʼmieme enï womepatopo ekarichïrï

Jehoba tïpïanarïme oweíshe ma, owepatomanopa eropa tïponaro naka oweijï poko.

Jamarïme

• Neiara Jehoba tïpïanarïkon epatomano?

• Oʼtonoʼme Jehoba tïpïanarïkon weʼpetakamase na?

• Tope pane Jehoba panarïme weinio mekanosan? Oʼtonoʼme hero moro paʼme mïkano?