Womepatopo 10

Neiara Jehoba poko Worupïatonon woseʼnanopïrïkonʼwa owïtopotïrï owepatomanopa?

ETOKO

Chopïn ro amoro womepa Jehoba poko Worupïatonon woseʼnanopïrïkonʼwa? Chopïnme noro oyaʼta, ambïako asi metïʼkayepa koromo owïtorï yako. Ambïako mïkaye: ‹Otï poko nandon womepa tïwoseʼnanopïrïkon po? Oʼtonoʼme moroʼwa wïtose weinio na? Oʼtonoʼme awu eropa wïtose wa?› Enï womepatopo ta muputïʼmaye neiara miaroinie owosepopotïrïʼwa Opoto Papa ponaro naka noro oyïrïpïa, owemamïrï epatomarïpïa eropa iʼya.

1. Otï poko nero kïwoseʼnanohotïseinie kïtaton?

Eneko neiara oʼwin amu Opoto Papa Karetarï meronenïmboʼwa oʼtonoʼme watï amukon roten maro tïwoseporïse tïweijï ekarichïho: ‹Nuse Jehoba sïʼa moro opoto woseʼnanopïho po.› (Psalm 26:12) Erome maroro, Jehoba poko Worupïatonon choho kïneiyaton osemaro tïwoseʼnanopïrïkon poko. Nono wararo ekemaha sundaka kïnosepoaton nuse Opoto Papa ïtoʼme, tïwaretatoʼkonʼme, tïwopekaʼtoʼkonʼme eropa. Ekemaha siricho eropa, opotonon nekatu woseʼnanoʼtoʼkon ïaton.

2. Otï poko momepanopa naʼna woseʼnanopïrïkon po?

Naʼna woseʼnanopïrï po Opoto Papa Euran weinione naʼna kïnomepano, ‹juha oʼto icharï upuhoaton neiarane yotaʼkuru upuʼtoʼme.› (Erupïako Nehemiah 8:8.) Owïtopotïrï yako Jehoba poko momepaye, kurangon emerïkon poko eropa. Tapokurume iʼya owenerï uputïrï mero noro oʼwa, pionaro naka noro meiya. Muputïʼmaye eropa neiara owepatomarïpïa iʼya juhïn owemamïrï eporïpïa poko.—Isaiah 48:17, 18.

3. Neiara owepatomanopa amukon maro owoseporï kïwoseʼnanoʼtoʼkon po?

Jehoba ïngano kïʼwainie, ‹osekaro osenetoko otapokume oweijïkon poko owotapokumatoʼkonʼme, juhïngon omaminianokon poko eropa, osekaro owosepopotïrïkon oniniondaʼmaha.› (Hebrews 10:24, 25) Naʼna womeparï po, taʼro tapokurume amukon enenamo mepoa, opaʼme eropa ambore Opoto Papa poko uputïsangon. Yorupïarïkon metaye apokumanamo Paipïrï weinio tïwomepaʼmatoʼkonïmbo poko. (Erupïako Romans 1:11, 12.) Owiʼnionon, maritichon maro eropa morupïaye moropo, tuʼkurukon patorï seʼme sheʼmeroro towaʼpore yeijïkon meneya. Erokon ro hero oʼtonoʼme watï ekemaha roten kïwoseʼnanopïseinie Jehoba weʼchopo!

Koroʼna nekatu osaʼmichako

Uputïʼmako neiara Jehoba poko Worupïatonon woseʼnanopïrïkon po yeijï, oʼtonoʼme eropa tope owïtorï aʼta rorïpo oweʼkusepa oweijï owïtotoʼme.

4. Jehoba poko Worupïatonon woseʼnanohotïrïkon

Jesas rombïhopa pahopo, ekemaha roten yekenanamo kïnoseʼnanohosaton Jehobaʼwa tïwokunamatoʼkoʼme. (Romans 16:3-5) Erupïako Colossians 3:16, ijombote enï woturupotopo poko orupïatoko:

Oʼto Jesas wekenaʼmanangonïmbo tïweíʼmiainie nandon Jehobaʼwa tïwokunamarïkon wïtorïme?

Erome eropa, ekemaha Jehoba poko Worupïatonon kïnosepoposaton tïwoseʼnanoʼtoʼkon po. Neiara yoseʼnanoʼtoʼkon po yomeparïkon weijï enetoʼme, eneko moro Piʼcha. Womepa yoseʼnanopïsan uʼkuho ijombo eneko, morokon woturupotoʼkon poko eropa orupïatoko.

Piʼcha: Neiara Jehoba poko Worupïatonon woseʼnanoʼtopo po na? (2:12)

Otï osepaʼme weʼchonon menei oʼto Jehoba poʼchorïkon weijïkon poko tïwoseʼnanoʼtopo po, Colossians 3:16 po onerupïaho maro?
Moro piʼchaʼme ta, otï pore oyapokurumepa menei naʼna womepatopo poko?

Erupïako 2 Corinthians 9:7, ijombote enï woturupotopo poko orupïatoko:

Oʼtonoʼme Jehoba poko Worupïatonon tïwomeparïkonʼwa wïtoʼno onepemapohapai nandon?

Owemepanen maro, oʼwin amu enï sundaka ta wïtototo womepatopo eneʼmatoko.

Neipianïmbo oneneʼmasan koʼye neroten oyapokurumepa etarï moro woseʼnanoʼtopo po na?

Mupusan ro enï?

Naʼna websaitïrï jw.org ta, mepoapa owe naʼna womepatopo weijï, neiara aʼta yoseporïkon eropa nono wararo.

Naʼna womeparïkon po ourananokon ïaton, piʼcha enepoaton, neiara tïwomepatoʼkon ekarichïrï eropa. Womepano apoiʼpioaton, kiniʼmiaʼkaton eropa ware maro wopekaʼno ke
Amukonïmbo morokon tokarishamo eyuhoaton eyukusangonʼwa
Paʼporo woʼtonon poko naʼna kïneiyan—otasakakon, owiʼnionon, tambarakon, iʼmiakonïmbo eropa
Jehoba poko Worupïatonon woʼmïno onepemapohapai ijoseha moropo womepanokon

5. Weʼkuno tïsepa ma morokon woseʼnanoʼnokonʼwa wïtotoʼme

Eneko oʼto Jesas asakarïkon weíʼmiahombo. Moro owiʼniome ekemaha siricho weʼchoto woseʼnanoʼnoʼwa tïtotoʼkonʼme, 60 mile kïnïsaton wïpïme yeíʼpio ta Nazareth weiniomboro Jerusalemʼwa. Erupïako Luke 2:39-42, ijombote enïkon woturupotoʼkon poko orupïatoko:

Weʼkuno sepa Jerusalemʼwa ichopotïrïkon mekanosan?
Otïkon ambïako tope nekatu oweʼkusepa oyïpoan woseʼnanoʼnokonʼwa owïtotoʼme?
Juhapa mekanosan owïtopotïrï moro weijï seʼme rorïpo? Oʼtonoʼme?

Paipïrï tïse paneroten kïwoseʼnanohotïrïkon ekarishan Jehobaʼwa kïwokunamatoʼkonʼme. Erupïako Hebrews 10:24, 25, ijombote enï woturupotopo poko orupïatoko:

Oʼtonoʼme ekemaha womepa woseʼnanoʼno po kïweísheiniepa kïtaton?

Amukonïmbo ïngaton: «Tïsehapai amukon maro owosepopotïrï ma. Oʼto watïpai oweʼtï po roten Paipïrï poko owomeparï ma.»

Nei Paipïrï ta ekarichïho nenepoan oʼto kïweísheinie Jehoba weijï?

Saniʼmieme enï womepatopo ekarichïrï

Womepa woseʼnanoʼnoʼwa owïtopotïrï owepatomanopa ambore Jehoba poko upuʼtoʼme, poriʼpie noro miaro osepaname oweʼchoʼme, owokunamatoʼme eropa iʼya amukon maro.