Womepatopo 11

Neiara ambore nekatu owosepatomarïpïa Paipïrï erupïarï weinio

ETOKO

Amumbo yakoro opoto otï poko oweijï seʼparo meinie, morote otï tope pane weʼchoto te? Takure yeʼchoʼme joke, ambïako asi mieʼme pioko meiya. Moro paʼme roropa Opoto Papa Karetarï erupïarï yako weinio ma. Ambïako mïkaye, ‹Ïnei pio erupïarï sapoiʼpioan?› Enï womepatopo ta, takuramoʼko oʼto oweʼchopo meneya Opoto Papa Karetarï erupïarï oyapokurume yeʼchoʼme.

1. Oʼtonoʼme ekemaha Paipïrï torupïase kïʼwainie na?

Ekemaha Opoto Papa Karetarï erupïanen, ‹morokon Jehobaʼwa oʼmatoʼkon,› towaʼpore ma, juha eropa emamïrï kïnïsan. (Erupïako Psalm 1:1-3.) Koromone, asi mieʼmeʼkoroten erupïako ekemaha kuriʼcha. Ambore noro owomepangarï mero erupïarï poko, ambore noro erupïarï oyapokurume kïneiyamba.

2. Oʼto oweíshe ma owosepatomatoʼmene Paipïrï erupïarï weinio?

Kïwosepatomatoʼkonʼmene Opoto Papa Karetarï erupïarï weinio, asi kïweporohotïseinie kïtaton kïwonumingatoʼme kïnerupïarïkon poko. Oko otï tïse ma, erupïarï, ‹koroʼna wonumingano› eropa kïnerupïaʼmasan poko. (Joshua 1:8) Erupïarï yakoro, erokon paʼme oturupoko oʼwa: ‹Oʼto enï nïkano ïʼwa Jehoba poko? Neiara enï saʼkuan yemamïrï ta? Neiara enï nïerupïaʼmaho saʼkuan amukon epatomatoʼme ïʼwa?›

3. Neiako Paipïrï erupïatopo amu mepoamba?

Topepa wane oʼwa Opoto Papa Karetarï erupïarï kuriʼchanorï eporï na? Moro paʼmero apïimie kïʼwainie ma. Eʼkuko ‹juhane okuriʼchanorï aʼkuru poko oʼwa.› (Ephesians 5:16) Moro paʼme meiyapa tïpo amu okuriʼchanorï ïrï ke oʼwa piaʼme meʼme aʼta Paipïrï erupïatoʼme oʼwa. Amukonïmboʼwa kokorone erupïatopo tïnonda ma. Amukonïmbo te, kuriʼchane tïworepanoʼtoʼkon yako. Amukon roten te, koiniene tïwoʼnïkïrïkomba uwapo. Neiara aʼta katu oʼwa juha owoserupïarï na?

Koroʼna nekatu osaʼmichako

Upuʼko neiara oyapokurume nekatu Opoto Papa Karetarï erupïarï weijïpïa, neiara eropa juhane nekatu owomepatopoʼwa aembo oweijïpïa ambore upuʼtoʼme.

Ijo wane koʼye kapokurukonmepa neiya amukon meʼme tonasen enapïrï, koʼye eropa kapokurukonmepa kïneiyan Paipïrï erupïarï

4. Neiara oyapokurume nekatu Paipïrï erupïarï weijïpïa

Ambïako takure watïpai Opoto Papa Karetarï erupïarï poko wotapoinio ma. Morote, koʼye ‹shanorï pe kïseiyatomba,› ijo wane amu apokurumepa neiya niuʼkuʼtorï rorïpo tonasen, ijo paʼme. Erupïako 1 Peter 2:2, ijombote enï woturupotopo poko orupïatoko:

Mekanosamba wane ekemaha kuriʼcha Opoto Papa Karetarï erupïarï yako oʼwa, ambore oyapokurume erupïarï weíʼmiarïpïa?

Eneko moro Piʼcha, neiara amukonïmbo apokurume Opoto Papa Karetarï erupïarï weíʼpiopa enetoʼme.

Piʼcha: Tomerïnon apokurume noro Opoto Papa Euran weíʼmiarï (5:33)

Moro piʼcha ta, otï tope pore moʼkaron koromonokonʼwa yoserupïarïkon ïpoan?
Otï nepatomaton tïkasan paʼmero ekemaha Opoto Papa Karetarï erupïatoʼme tïʼwainie?
Neiara apokurukonme nekatu Paipïrï erupïarï neípia?

Owepatomanamo owotapoʼchoʼme:

Ipioro mieroho Opoto Papa Karetarï epoko. Moro New World Translation uʼkuko oweuran ta aʼta, ijoseha amu roten onuputïrïpïa ouranano ta.
Koromone oyapokurumene weʼchonon erupïako. Neiarainie pore erupïarï upuʼtoʼme, eneko moro chararï ‹Paipïrï erupïarï poko otapoʼcho.›
Onerupïaʼmahopa mieropoʼko. Enï kareta ta ïrïho chakatopo aʼkuko ‹Chakako Paipïrï erupïaʼmaho oʼwa.›
Moro JW Library^®app aʼkuko. Moro taro Opoto Papa Karetarï merupïayepa, erupïarï apoiʼpioho eropa metayepa owero oweíʼpio po moro tambijen oweuranatopo ta.
Moro appendixes aʼkuko moro New World Translation tano. Owe weʼchoʼkon weijï uʼkuho icha ma, takure ouranano ekariʼchoʼkon eropa, oyapokurume nekatu owoserupïarï ïponamo.

5. Aembo eʼcho Paipïrï poko owemeparïʼwa

Erupïako Psalm 119:34, ijombote enï woturupotopo poko orupïatoko:

Oʼtonoʼme juhapa owopekatïrï na Paipïrï erupïatopo ta oʼwa, ijoseha owemepatopo aembo ïtopo ta oʼwa?

Neiara owomepatopo aembo mïamba ambore upuʼtoʼmepa oʼwa? Nare enï uʼkuko enï kareta tano owomepatopo aembo ïrï yako oʼwa:

Moro womepatopo wotapoijïme weʼchonon paragraf-kon erupïako.
Paipïrï ta torupïamïngon erupïako, ijombo neiara moro owomepatopoʼwa yotaʼkuru eneko.
Chakako morokon woturupotoʼkon eyuʼtoʼkon; enï owepatomanopa eyukuru poko eyuhorï mero owemepanenʼwa.

Mupusan ro enï?

Amukon meʼmeʼwa Opoto Papa Karetarï meroho aʼkuatomba Jehoba poko Worupïatonon. Morote naʼna apokurumene ma moro New World Translation of the Holy Scriptures, moro koromonene mierohombo paʼmero kombaijo ma, takure kïnotupusan, Opoto Papa etï eropa icha ma.—Moro intanet ta torupïamïn eneko “Do Jehovahʼs Witnesses Have Their Own Bible?”

Amukonïmbo ïngaton: «Paipïrï poko womepano choho pane topepa ma. Tomaminie pane wa, tïrupota pane eropa wotapoa.»

Oʼto amoro mïkano?

Saniʼmieme enï womepatopo ekarichïrï

Juhane nekatu owosepatomatoʼme Opoto Papa Karetarï weinio, erupïatopo kuriʼchanorï amu niondako, opekaʼko oʼto icharï upuʼtoʼme, aembo eropa owemepatopo ïko.