Omaminiatopo 10
Neiara oweuran wotarï petakamapotïrï oʼwa
Proverbs 8:4, 7
Oʼto owèʼchopo: Juʼpïa oʼto owïkarï upuhoko, naposen eropa neiara oweuran wotarï petakamapotïrï ke oʼwa, ambiako moʼa pore oweuranarï ke, poiʼmieke pore, ijoseʼpa tokaʼne pore.
Neiara moro paʼme oweijïpïa:
-
Moʼa pore oweuranako ijoseʼpa poiʼmieke pore. Moʼa pore oweuranako oweuran etanamoʼwa apoíshe owèʼchokonïmbo ekarichïrï yako oʼwa, oʼto tïnetaʼmasan poko tïweíshepa ïpotoʼkonʼme eropa. Moro paʼme roropa oweuranako Opoto Papa Karetarï weinio iʼya kotamapotoʼkon èrupïarï yako oʼwa. Moʼa ne te oweuranai ambore iʼyainie oʼtone owïkarï etasepa owèʼchoʼkonïmbo po, ijoseʼpa wètïʼkatoʼkon poko oweuranarï yako.
-
Oweuran wotarï iʼpietakamapoʼko. Ambïako moro paʼme meiya ambore onekarichïrï etasepa ïpotoʼkonʼme, ijoseʼpa òtï yaʼmu ekarichïrï yako oʼwa, ijoseʼpa òtï moenorï ekarïchïrï yako. Noʼmosiʼche pore oweuran ïko amu utapïʼpo pïne weinio poko ekarichïrï yako oʼwa, ijoseʼpa wotaʼkarïkatoʼkon poko.
-
Tokaʼne pore oweuranako apoponoʼpotoʼkon pane roten ekarichïrï yako oʼwa. Poiʼmie poko pore oweuranako oweuran etanamonʼwa apoíshene owèʼchoʼkonïmbo ekarichïrï yako oʼwa.
