Omaminiatopo 14
Tuputïsangonïmbone juʼpïa upuʼporï
Hebrews 8:1
Oʼto owèʼchopo: Oweuran etanamonʼwa juʼpïane oʼto owïkarï apoiʼpioko tuputïsangonïmbone paʼkapotïrï ke oʼwa. Piaʼkapotïrï poʼoro joke moro owòrupïatopo ètï etaton, òtï uputïse eropa tïʼwainie oweijï.
Neiara moro paʼme oweijïpïa:
-
Òtï upuʼposene owèʼchopo nasen upuʼko. Ambïako moro onekarichïrï mïa òtï upuʼpotoʼme iʼyainie, ijoseʼpa òtï amïʼchapotoʼme, ijoseʼpa apokumatoʼkonʼme roten. Oʼtonoʼme ïrï uputïʼpo paʼmero ijombo ïko. Upuʼpose owèʼchokonïmbo paʼmero oweuran aroko.
-
Koíjo pore moro owòrupïatopo ètï piaʼkapoʼko. Moro paʼme meiapa onekarichïrï maʼkarïpïa ponaroro oʼwa, owòrupïatopo pokonokon ne ourananokon paʼkapotïrï ke eropa.
-
Upuʼpose owèʼchokonïmbo juʼpïa upuʼpoko. Owòrupïatopo ètï pokonokon ourananokon roten anungo, juʼpïa moro upuʼpose owèʼchokonïmbo ekarichoʼme oʼwa nei charo owòrupïatopo ïrïʼpo taroro iʼyainie. Apïimie ne kapïn moro upuʼpose owèʼchopo tïweíshe ma, juʼpïa roʼkon te yararoinie tokarichïse ma.
