Tamïʼchamïmgomba weinio owòrupïatopo upuhotoʼkon epoko. Opoto Papa Karetarï weinio oweuran chako, mieroʼpo weinio maroro mèrupïaiyepa. Amukon roten eurangonïmbo ijoseʼpa inimieroʼmasan ekarichïse oyaʼta owòrupïatopo epatomatoʼme, ipioro yeijï nasen upuʼko, sherïmbome wèʼchotome yeijï eropa.

Owòrupïatopo upuhotoʼkon ipioro ekariʼcho. Opoto Papa Karetarï tano amu ekarichïrï yako oʼwa, òtï poko morokon uʼmendïmenokon verse-kon wòrupïarï tuputïsepa oʼwa ma, tïaʼroro eropa oʼto Opoto Papa Karetarï wïkarï moro poko. Oʼto moro poko ‹moʼko tamïʼchamïn, tïwònumingaken tapoyomamïn› nimieroʼpo paʼme eropa tïweíshe ma. (Matt. 24:45) Amukon roten eurangonïmbo ijoseʼpa inimieroʼmasan aʼkuru yako oʼwa ipioro ekariʼcho, oʼtonoʼme eropa moro paʼme ichaho.

Ènuminganoʼpotoko neiara onekarichïʼmaʼpo wotaʼkuru poko. Opoto Papa Karetarï tano ijoseʼpa amukon roten eurangonïmbo ekarichïʼpo weiniombo oʼwa, oweuran etanamoʼwa yaame onapoponoʼpopainie wèʼchonon wòturupoʼtokon poko òturupoko oseke moro apoíʼshe iʼyainie owèʼchopo apoʼchoʼme iʼyainie.