‹Òmepanamome èʼchoko.› (Heb. 5:12) Choʼpo neroten ònuminganoʼpotopa moro paʼme icharï, moro kombaijo Jehoba​—moʼko ijomboro choʼponokon juʼpïn pane roten òmepanen—​kïtaton aʼkuse ma amukon emepatoʼme tïpïoko! Ipioro amukon emeparï kïʼwainie Jehoba poko​—koʼtï tanokon kasakarïkon, kïwoseʼnanoʼtoʼkon tanokon, kïwòrupïarïkon emamin ta kïneporïkon eropa—​amu nuseno pane roten omaminiano moro, einiamïn neroten eropa te. Neiara kïsèkïrïatomba ènï omaminiano poko kïweijïkon?

Moʼko apostle Paul euranïmbo Timothyʼwa moro èyuʼtopo ekarishan. Tïmero iʼya ènï paʼme ma: ‹Oporopïʼmai amukon poʼponaka owosèrupïarï poko, apokumano poko oweijï eropa, òmepano poko —eropa . . . Ero paʼme oyaʼta mosepatomatake, moʼkaron oweuran etanamo eropa.› (1 Tim. 4:13, 16) Kariʼnia emamïrï epatomanemba ouranano onekamïrï me ma. Ijokero tïsepa ma juʼpïa owosèrupïarï maro amukon emeparï uputïrï oʼwa. Ènï kareta tòkïrï ma moro poko owepatomatoʼme. Asi tïre chanokon amu kïsenesen.

Jehoba hero ‹moko ijomboro choʼponokon nuseno pane roten òmepanen.› (Isa. 30:20) Oronge rorïpo ènï karetaʼwa owepatomarïpïa juʼpïa nekatu wosèrupïatoto maro òmepanen me oweijï poko, tuʼtakarï seʼpa te oʼwa ma Jehoba weinio ne kïwòrupïatoʼkon wopïrï, oseke kïweinioinie kapïn. Moʼko amukon tïngano tïʼwa. (John 6:44) Ijokero joke, ekemahamboto roten pioriʼchorï poko òpekaʼko. Koíjo Opoto Papa Karetarï aʼkuko owòrupïarï yako. Oseke roten owònumingarï kïsekarichïi onèrupïarïkonʼwa, neiara Jehoba wònumingarï te ekariʼcho. Onemeparïkon epatomako towanïkon ta choʼpo tapokurume Jehoba enerï poko iʼyainie.

Tïkoʼma owèkïrïnenïmboʼwa oweíʼpio ma ijomboro choʼponokon tuputïsan pane roten ouranano poko òmepanen me oweʼchoʼme. Kïnamïʼchanopa eropa naʼna Opoto Papa nïrï poriʼcho pato ero omaminiano èkïrïrïpïa oʼwa.​—1 Pet. 4:11.

Owatonon òmepanamo naʼna,

Nono wararo Jehoba poko Wòrupïatonon emamin enenamon