Pyimano ikapy’san « Kurangonon oka Tamusi wyino otodo ! »
Tamusi nare toty ne na ?
Tamusi pyime toty’do man, mo’ko Pari’pyn imero, oty Kanenymbo Jopoto pai . Moro Tamusi ety te temero man 7 000 boto moro tamusi karetary ta.
One wara ko ukutyry na moro Tamusi Karetary wopyry Tamusi wyinombo ?
Ipororo mo’ko Tamusi, moro Tamusi Taretary Aporemy me a’ta, moro kareta amykon tera kareta eneke iwairy kapyn man.
Noky ko moro Tamusi karetary aporemy me nan ?
Amykon wokyryjan wa imeropoto, ipororo nare moro Tamusi karetary ejatory taro kytaton « Tamusi auran » me ? Noky wyinombo ko moro Tamusi karetary tanokon onumengano no’san ?
O’tono’me ko Jesus tyromo’se nan ?
Moro Tamusi karetary potome tapene moro Jesus romby’po apyijan. Oty wanome ko tyromo’se nan ?
Oty poko ko Tamusi wa moro nono tyka’se nan ?
Ero kynonorykon iru’pyn me imero man. Moro weju iru’pyn me tandymo man moro nono wyinombo, moro ekanudopo iru’pyn me tyka’se man. Oty poko ko Tamusi tywomika nan imero moro nono katome ?
Oty ko moro nan moro Tamusi Nundymary ?
Nono tupo ta’ta, Jesus moro Tamusi Nundymary poko roten taurana tywaije man. Sirikokon poko, mo’karon ipyitorykon Tamusi erupaton moro Inundymary wo’to’me.
One wara ko mo’karon iromby’san nandon ?
Moro Tamusi karetary kynganon o’win kurita mo’ky imero kari’na kynawondaton rapa Lazarus wara.
O’tono’me ko Tamusi morokon ata’karykano enapojan ?
Pyime kynoturupojaton oty poko ero nono ta pyime ne terapa ajenono wairy, ata’karykano enapa. Moro Tamusi karetary amy ejutopo yjan, turu’ponano andymotopo enapa ero aturupono poko.
Tamusi nare pa’poro morokon kereke apyijan ?
Pyime kari’na wanome, amy oty kapyn moro man amy roten kereke pinary jako.
Tamusi nare pa’poro morokon torupatokon etanon ?
O’win kari’na wa erupary jako tywanome roten ? Irombo one wara ko nan o’win kari’na a’ta, apotumpe typyty poko irombo Tamusi’wa iwoturupory jako tykuranondotome ?