Jehowah, ewaporotome ymuru wa awepanamary’kon enapa’man. Adam kapyry waporo Jehowah wa amy o’win iromboro parypyn apojonanon tykase’man kapu’da.

Jehowah wa, mose apojonanon tomose’man nono tu’po naka Betlehem po iwomadome. Ety tyje’man Jesus’me. Isano Maria wokyry maro’e’ipyn amyia’ko me tuwaije’man (Johanes 6:38).

Jesus wa iru’pyn me imero Tamusi emery taro’man. O’wi wokyry tawapore, aipynanon’pe iwaitjobompo’man. Tupi’me waty tuwaije’man erupary. Etykapa tuwaije’man moro iporonon ekarytyry Jehowah boko.

Jesus wa mokaron je’tun pangon tatynoka’man amy’kon irombysan enapa tawonga rapa tuwaije’man i’wa.

Mokaron simosu kereke jopotory’kon wa Jesus tyjenonose’man morokon yja’wan’ emerygon, enapyry’kon ekaritipo’ke.

Mokaron simosu kereke jopotory’kon wa, mokaron Rome ponokon sundaty tapokuma’man, Jesus womatome, iwotome enapa.