A’SAKA’PO 6
Oty poko’ko kamepadon moro potosu Konopo womapo ?
Tamusi wa, mokaron tokonamon tymaka man, Noe tomory’gon maro tuwaijonpo mandon. (Genesis 7:11, 12, 23).
Konopo tywoma’man 40 kurita, 40 koko enapa. Tuna wa paporo nono tumuka’man. Paporo mo’karon tokonamon tyromose mandon.
Mo’karon ty’panaja’naramon apojonanon wa, tyjamy gony’po tyno’man irombo tyto rapa mandon kapu taka, Satan pyitorykon’me tera tywaije mandon.
Mo’karon potosu kurujara’ta e’i’san tuwaijonbo mandon. Akorepe ipapome, Noe, tomorygon maro tyromose mandon. Tamusi, moro amanon y’tan rapa iwaine irombo mojaro kenema’taton.
Tamusi tokonamon wotan, mo’karon iru’pyngon aijomata. (Mateus 24:37-39).
Satan mo’karon tokonamon apojonanon maro, erome noro mo’karon amadonon umanon Tamusi wyino.
Noe jako iwe’i’po wara, erome pyime kari’na Jehowah wa kenepajanaka’don. Aire’kopore Jehowah paporo tokonamon wotan (2 Petrus 2:5, 6).
Noe wara amy kon mandon. Tamusi wa, kenepanamadon, irombo inekarytyry kasadon. Jehowah ekary aroponamon mo’karon mandon.
Epotoko enapa…
KARETA & TYPIPYJAMON KARETA
Noky ko moro nono undymanon ?
Moro Tamusi auran wa ajejukuru aporomykary taro man. Otonome ko-erokon ukutyry’na,oty ene’san ko aire nome ?
