A’SAKA’PO 14
One wara neko enepory taro mandon Jehowah wyino awairy’kon ?
Tamusi wyino naka aitjogon. (1 Petrus 5:6-9).
Amybairo omenanon, Tamusi karetary maro tjopama iro, kisitjukaton. Panape awairy’kon man erokon kapyry pona.
Aitjopo undynmanamon jopoto’gon maro o’win kytaition. Initiapyry’gon boko kytaition Jehowah nisanory kapyry boko e’i’pa mandon. Inundymary anepa tomapa mandon.
Iru’pyn onumeganon ipiniatokon, Tamusi wa epanamatogon. (Mateus 7:24, 25).
Mokaron Jehowah ekary aroponamon wa ytiandokon, ajepatomataton awotoko’me Tamusi wyino naka.
Mojaro omepatogo Tamusi ukutyry boko, epanatomado’kon morokon iwoturypodopo katome.
Moro anamitiary tianare iwairy’po mero, Jehowah wa ekarytio, ajemamyry mytake aniaga irombo asetykapotogo (Mateus 28:19).
Epanamatokon Tamusi wa. Ikaretary erupatokon irombo mokaron Jehowah ekary aroponamon wa aturubotokon ajepadomatome ukutyry boko. Morokon awomepasan itiatokon. Irombo mojaro ajemataton (Ware 37:29).
Epotoko enapa…
NOKAN KO NA’NA NAN ?
Aturupotoko o’win Jehowah ekary aropone wotome ajetawaine
Orupatoko o’win Jehowah ekary aropone maro amy Tamusi karetary tano auranano poko, e’kutoko pai epe’ma Tamusi karetary poko awomepatokome.
NOKAN KO NA’NA NAN ?
O’win ata’nanotopo taka itandoko
Na’na wota’nanotopo upitoko. Tyse waty amy ata’nanotopo epotoko ajekosaine
