Siriko wara ro, na’na pyime imero tamusi karetary, karetakon ka’san irombo epe’ma pa, na’na kynekajan. Na’na Tamusi ety awongatopo auto ka’san, morokon Bethel enapa. Na’na mo’karon Bethel tanokon, mo’karon tyse taropomyn enejaton, irombo na’na morokon yja’wankon neporysan epanosan enapa. Maturupojaton pai : « One wara ko erokon no’pe’manon ? »

Na’na pyrata anamo’ityi’pa man, irombo o’toro pyrata yry poko na’na aturupopa man. Aronge wararo na’na emamin tapene man, pyrata yry poko na’na aturupopa man. Sirikokon poko tera, moro ijokonory Kawo auto ta tuwaro aino tyka tywaije man, Jehovah’wa tapanopyrykon amyikary’ke, na’na mo’karon amandono wyino, opano anupi’pa kynakon. Irombo moro wara ro na’na tauran apyinen ! (Mateus 10:8).

Mo’karon tyturu’san maro pyrata ynamon, moro na’na emamin epanosaton. Pyime kari’na apokupe na’na emamin man moro tamusi karetary poko omepano yry’ke, moro poko ro pyrata yjaton. Mo’karon Jehovah ekary aroponamon enapa tawa’pore mandon, tyjururukon, typanatorykon, typyratarykon amykon noro totyrykon y’tome moro tamusi nisanory wokatome wararo no’no tupo (1 Kroniki 29:9). Na’na wa, moro tamusi ety awongatopo auto ta, potonon a’tananotopo ta enapa, mo’karon i’se aitonokon amy pyrata yry taro mandon morokon ije’nykon taka. Moro poto’su pyrata epory’po kono’san mo’karon poto me ipyrata’non wyinombo, mo’ko omi ta aitoto inongepy’po woryi Jesus nekarity’po wara, oko tykamiramon pyrata’makon tyje i’wa tywaije man, moro Tamusi auty tano pyrata je’ny taka (Lukas 21:1-4). Iwara te, « kyturu’san ta kywonumenga’san wara ro », « typo pyrata amy yry taro kytaton » (1 Korinte 16:2 ; 2 Korinte 9:7).

Na’na iru’pymbo kunuku’san aikepy’pa, Jehowah amykon kari’na wa, kurano me kynaipotan ‘morokon tapenamon totyrykon’ yry ta, moro tynundymary epanoto me, tynisanory katome enapa (Tauroto’kon 3:9).

• Oty ko amy me tera na’na yjan morokon amykonymbo kereke wyinombo ?

• Oty wanome ko morokon pyrata yry’san akujaton ?