Moro koromono siriko ta, « mo’karon apojoma’san, mo’karon uwapoto’san Jerusalem ponokon » o’win a’nanopy’po apyimy undy me tywaije mandon, tauropo moro man, potono tykapymy pinatopo iwaine tywaije man mo’karon moro jakonokon epekady’san kresten waine (Apojoma’san 15:2). Taurangon topopo iwaine man amykon otykon katome. Ero poko ro morokon kurano imero’san mengatopombo iwaine man irombo moro Tamusi a’kary wa tywotundymapo mandon (Apojoma’san 15:25). Moro wara enapa erome moro a’nanopy’po Apyimy undy kynaijan.

Tamusi amy kresten apyimy akujan moro tynisanory katome. Mo’karon epekady’san kresten asin pe imero mandon moro Tamusi auran poko. Pyime otykon ukusaton kamamikon poko, irombo kajukurukon ukusaton moro Tamusi erupary poko kywaine.Moro a’nanopy’po Apyimy undy aremi wara ro konotananosaton nono tuponokon oka aroponamon namonopyrykon mengatome. Koromono siriko tano wara, amykon omepano yjadon moro Tamusi Karetary poko, morokon kareta mero’san pato mo’karon kapara enenamon patoine enapa. Moro wa ro iru’pyn me o’win onumengano, o’to aino enapa tyje man moro Tamusi na’nanopy’po undynano rana (Apojoma’san 16:4, 5). Moro a’nanopy’po Apyimy undy moro oka ekarory pori’tomanon, moro a’kanano tano arepa enejan, amykon pirynano ejatojaton tu’tanokon amaminano apyitome iwaine.

O’win kresten apyimy moro Tamusi a’kary wa kynotundymapojan. Moro a’nanopy’po Apyimy undy kynotundymapojan Jehowah, pa’poro kapu, nono jopotory’wa, mo’ko Jesus moro Tamusi na’nanopy’po jopotory’wa enapa (1 Korinte 11:3 ; Efese 5:23). Mo’karon asakarykon moro Tamusi na’nanopy’po undymanamon me atapo’ipa mandon. Pa’poro mo’karon amykonymbo kresten epekady’san maroine, « mo’ko kaparamembo (Jesus) wekenaton, oja itory wa ro » (Jesus nenepo’po 14:4). Moro a’nanopy’po Apyimy undy poto me imero na’na apyijan, Tamusi erupary ke na’na wa typokoine.

• Moro koromono siriko ta, noky ko moro a’nanopy’po Apyimy undy me tywaije nan ?

• One wara ko moro eromeno moro a’nanopy’po Apyimy undy Tamusi’wa natundymapojan ?