Morokon atowakon amaminano enenen apyimy apony undy, moro oka ekarory enejan o’win, pyimanon aitopo ta pai : kareta umary, kareta kapyry, kareta aropory, ikapy’san kapyry, pa’poro roten otykon.

Morokon na’na emamingon kuramanon amy wokyryjan Apyimy pato. Moro a’nanopy’po Apyimy undy moro amaminano yjan mo’karon wokyryjan Apyimy a’nanopy’san ainaka, oruwa uwapoto’san omepa’san moropo mandon. Ero apyimy ro moro a’nanopy’po Apyimy undy ejusan uwaponaka moro amaminano wytory poko, pa’poro aitopo tynenery ta, tyjanaramon otykon epory jako enapa. Morokon inekari’ty’san ro moro a’nanopy’po Apyimy undy wa kunukupojan otypangon auranano poko auranary morokon kareta katopo ta, a’tananonon ta, o’win kurita aitopo asakapo a’tananonon ta, potonon a’tananonon ta enapa. Amykon moro a’nanopy’po Apyimy undy tanokon, okapyn morokon tynenerykon etawaine kynysaton mo’karon wokyryjan apyimy epanotome, morokon tamamigon katome i’waine (Tauroto’kon 11:14). Typo o’win a’tananono apyiry jako, o’win a’nanopy’po Apyimy undy tano pori’tonano yjan, moro ponokon oka aroponamon waine.

Morokon tywaitokon ta Tamusi na’nanopy’san epanosaton. Morokon apony undy ta, amykon pirynano morokon Tamusi na’nanopy’san womepary epanosaton, morokon pionnier emamin undymaton, mo’karon tyse itotonokon, mo’karon a’nanopy’san enenen, morokon potonon a’tananonon kuramaton, Tamusi ety awongatopo auto amyry kuramaton, irombo tuwaro mandon morokon kareta aropoto me, morokon Tamusi na’nanopy’san waine, inamonopyrykon ytome. Pa’poro oty wokapy’po moro apony undy waitopo po, tywaipore moro oka ekarory wokatome man (1 Korinte 14:33, 40).

• One wara ko mo’karon wokyryjan apyimy moro a’nanopy’po Apyimy undy epanosaton ?

• Oty enejan ko o’win apyimy undy apony ?