Simosu auran ta Bethel tauropo moro man « Tamusi auty » (Genesis 28:17, 19, imeropo). Ero atywano iru’pa man wara ro nono tuponokon auto Jehowah Ekary Aroponamon emamigon katome, morokon ta ro moro oka emamin kapyry enejadon, opano yjadon enapa. Moro a’nanopy’po Apyimy undy moro Amerkan waitopo (New York ta) wyinombo ro, morokon aitopo tano amaminatopo undymanon wararo nono tu’po. Mo’karon moropo amaminatonokon ejatojaton « Bethel tanokon asomokon me ». O’win asomonano emamyry wara, mo’karon bethel tanokon o’win auto ta kynemanjaton, asewara kynemaminaton, asewara kynendamenjaton, asewara enapa Tamusi karetary poko kynomepaton (Ware 133:1).

Amy ty’po yry’po aitopo, aseke tywotyje awaitome o’win poto’su « asomonano taka ». O’win Bethel ta, amykon oka aroponamon wokyryjan, woryijan, pa’poro tyjurukon yjaton moro Tamusi nisanory katome, morokon Tamusi nundymary otyrykon katome enapa (Mateus 6:33). Amy pairo epe’mapa man, pa’poro te moropo tywaitokon epojaton tareparykon rorybo. A’si’ko kynainarytojaton moro inamonopyrykon epety me. Moro Bethel ta, pa’poro tamaminen mandon, kareta merotome, etumamokatopo ta, endamentopo po, kareta kapyry poko, atakokano poko, esawono poko, pa’poro roten amaminano poko.

O’win aitopo moro oka emamin epanotopo. Moro poto’su amaminano Bethel nikapyry me man moro Tamusi Karetary tanokon iporono ukupory pa’poro kari’na waine rypo. Ero kareta apemy’po amy enepotopo me man. Moro a’nanopy’po Apyimy undy wa tymeropo man irombo taropo man internet pato mo’karon pyimanokon nono tuponokon kareta umanamon waine, tarawone imero tykapose man irombo 120 000 Tamusi na’nanopy’san waine taropo man. Pa’poro erokon kapy’san poko, moro « Bethel tanokon asomonano » amy opano ene’san moro iromboro poto’su amaminano poko, moro iru’pyn oka ekarory (Markus 13:10).

• Nokan ko mo’karon bethel tanokon me nandon, tape’ma nare nandon ?

• Otypan poto’su amaminano epano’san ko o’win o’win pai moro Bethel ?