Moro kurano Tamusi ety pa’poro morokon Tamusi ety awongatopo autokon tu’po tymero man. Tykoroka enary man iru’pyn me iwonepory kurano me man na’na wa, poto me enapa Tamusi ety awongatopo me iwairy’ke. Pa’poro ainanano yry taro kytaton.

Kyturu’san maro moro auto akoka kytorykon man o’win ata’nanono pa’po me. Pa’poro ata’nanono pa’po me, amykon oka aroponamon ko’i roten moro auto akokaton. O’wimboto aremi wararo, tywaikero na’na kynakokanon. O’win uwapoto, uwapoto epaton pai, pa’poro morokon tykapymy amaminano enejan. Morokon amaminano wairy wara ro, amykon konotakokaton, nono e’kyinymbo y’kokaton, toilette ro rypo, pena, wyrypo ematon, moro pyroro ro rypo akokaton. O’wimboto o’win siriko ta, o’win kurita apyijaton pa’poro moro auto y’konkatome. Na’na tymakon wa opano ypojan enapa irombo na’na kynemepaton kawo morokon auto apyitome iwaine (Ekaronen 5:1).

Morokon atampoty’san otykon kasaton moro auto ta. Siriko wararo, morokon Tamusi ety awongatopo auto mengaton ita, kurando enapa. Okapyn na’na erokon amaminano enejan iru’pyn me moro auto enatome typo roten pyrata papyry pona (2 Kroniki 24:13 ; 34:10). Tykoroka iru’pyn me enapa Tamusi ety awongatopo auto enary jako, kurano me Tamusi ety yjan. Erokon amaminano poko ainanano yry jako, poto me imero na’na Jehowah pynary enepojan, moro ety awongatopo auto enapa (Ware 122:1). Ero ro amy iru’pyn oty enepojan mo’karon na’na aporito amandono waine (2 Korinte 6:3).

• Oty poko ko tykonen moro Tamusi ety awongatopo auto enary kapyn nan kywaine ?

• One wara ko morokon Tamusi ety awongatopo auto’kon kuramanon na’na ?