Morokon tywota’nanotopo waine tytotome ata’nanose, na’na mondo tera man itu ta, konopo jako tytotome. Morokon tyjanaramon otykon, moro rupomano na’na aniporokapa man mo’karon tasakarykon Jehowah Ekary Aroponamon maro tywaitome. Oty ko erokon omikano epety me nan ?

Iru’pa atapono. Paulus tyka man mo’karon a’nanopy’san waine ase’wa sewa « typokoine iwonumengatokome » (Simosu 10:24). Ero wara tykary ta, Paulus na’na panatomanon ase’wa sewa na’na wotukutome. Amykonymbo ata’nanotopo tanokon ukutyry poko na’na womepary jako, na’na kunukutan morokon tyjanaramon otykon ratonomangapo enapa iwaine, na’na wara. Na’na epanopyrykon taro enapa mandon, moropangon poko.

Iru’pyngon pawana apyijan na’na. Na’na wota’nanopyry wara ro, ija nokon roten tynukutyrykon maroine na’na opory’pa man, pawanakon epojan te na’na. Amypo’po, ase’wa na’na owa’mano ka’san, tawa’pore na’na waitome. Oty yjan ko ero wara na’na wosenery ? Ase’wa sewa na’na konotapijan, moro ro na’na waipynary janakanon. Iwara te tyjanaramon otykon epory jako na’na wa, na’na konosimanon mo’ko o’win amy epatomatome ase’wa pawana me tywairy’ke (Tauroto’kon 17:17). Pa’poro mo’karon ata’nanotopo tanokon maroine na’na a’ta, na’na kynenepotan « ase’wa na’na wesykary typoko » (1 Korinte 12:25, 26).

Na’na aporitomaton mo’karon Tamusi nisanory kanamon pinatome o’waine apawanarykon me. Mo’ko pangon pawana mepotaton Jehowah Ekary Aroponamon ranaine. Oty pairo ajakotopaine nainen na’na ranaka awotokome !

• Otonome ko iru’pa nan ase’wa na’na wopyry morokon na’na wota’nanotokon takaine ?

• One wara a’ta ko moro na’na wota’nanotopo ukutyry’se maitaton ?