Amykon juru tyrombyry uwaporo, Jesus tyka tywaije man : « Moro Tamusi Nundymary ekapory ekarota’ton pa’poro ero nono tu’po. Pa’poro kari’na wa kynetapota’ton. Irombo mero ko’wu ero nono kyni’ma’tan » (Mateus 24:14). One wara ko iroke wararo ero oka ekarory emami nokatan ? Jesus wa enepo’po wara (Lukas 8:1).

Pena wara ro na’na kyny’san. Jesus’wa mo’karon tynemeparykon tamepa man moro oka ekarotome auto wara ro (Mateus 10:11-13 ; Apojoma’san 5:42 ; 20:20). Mo’karon koromonenokon kresten ekosaine amy aitopo tywaije man, moropo ro moro oka ekarotome i’waine (Mateus 10:5, 6 ; 2 Korinte 10:13). Erome na’na ena’a iru’pyn me moro oka ekaro tytory andymojan : o’win o’win pai mo’karon Tamusi na’nanopysan amy aitopo po oka ekari’saton. Iwara te moro Jesus nyry’po amaminano kapymary taro na’na kynaitan ; tywaikero moro iru’pyn oka ekaritymary enapa (Apojoma’san 10:42).

Wara ro na’na kyny’san oka ekaro. Jesus’wa oka takaro man ojepan mo’karon kari’na we’i’sambo poro, peja wyino, topona po pai (Markus 4:1 ; Johanes 4:5-15). Iwe’i’po wara ro na’na tyneporypo erupano moro Tamusi karetary poko, oje tywe’i’po’po ro : oma ta, kari’na emaminatopo po, itopotopo po. Moro telefon akujan enapa na’na. Taporito emandoto wa na’na moro oka ekari’san, tamami pokono asakary wa, kasakarykon waine, komorykon waine enapa. Erokon omikano pato ro, moky imero kari’na wa wara ro nono tu’po ero iru’pyn oka tota man « moro kymboganamon iru’pyn oka » (Ware 96:2).

Noky wa ko moro asery iru’pyn oka ekarityry’se mandon moro Tamusi nundymary poko, o’to tauropo me iwairy enapa aireno me ? Ero aimomotopo oka kysapo’i o’wanome roten, omitako ekarityry poko !

• Otypan « iru’pyn oka » wokarityry ko nan ?

• Otypan Jesus nikapy’po kasan ko na’na ?