Otonome ko mosaron amandono tawa’pore imero nandon ? Moro potosu na’na wota’nanotopo po tywairykon ke. Uwaponokon Tamusi pyitorykonymbo waraine, oruwamboto o’win siriko ta iwota’nanopyrykon tywaije man, morokon potono ata’nanono ro tosine imero kisimomosaton (Deuteronomium 16:16). Oruwamboto enapa na’na ekosa man siriko wararo : okomboto o’win kurita aitopo asakapo wanome, irombo oruwa kurita iwairy taro poto’su ata’nanono pa’poro aitopo tanokon wanome. Otykon enesan ko na’na wa ?

Na’na epanosan iru’pa na’na waitome mo’karon na’na piryjan, na’na enaunan maroine. Tawa’pore mo’karon Simosu waine Jehowah ety awongapo wara, ‘mo’karon kari’na apyimy ra’na’, tawa’pore enapa na’na ety awonganon moro o’win kurita aitopo wota’nanopyry jako, moro oruwa kurita poto’su ata’nanonon jako enapa (Ware 26:12 ; 111:1). Erokon ro amykon tera Jehowah Ekary Aroponamon ananopy’san epopojan na’na wa, amykonymbo aitopo ponokon tera pai. Kurita nene a’ta moro otaremano jako, asekosa na’na man moro ro asin pe ne’katu ra’a pawana me na’na wairy yjan (Apojoma’san 2:42). Erokon a’kanano tanokon wokapyry jako, na’na moro aipynano apojan o’win na’na ynen « pa’poro nono tu’ponokon na’na piryjan, na’na enaunan » maroine (1 Petrus 2:17).

Uwaponaka a’kanano ta na’na arojan. Mo’karon Simosu tawa’po ta tywaije mandon « morokon Tamusi karetary tanokon aurananon ukuty’san’ke » tywaine (Nehemia 8:8, 12). Iwaraine morokon na’na napyirykon Tamusi karetary tanokon omepanon morokon potono ata’nanotopo ta pynanon na’na. Moro oty poko auranary typina man Tamusi karetary wyinombo. Morokon auranano pato, morokon enepo’san pato, na’na kynomepanon one wara Tamusi nisanory kapyry poko na’na emamyry ta. Ita’ka ro, o’to mo’karon amykon kresten we’i’san moro tamamyrykon arotome ero awosinpan amanon ta, na’na poritomanon. Morokon potono ata’nano jako, amykon ikapy’san asijambano Tamusi karetary tano auranano kasaton na’na emepatome. Morokon potono ata’nanono jako ro, amykon konosetykapojaton, pa’poro tasakarykon embata, Tamusi wa tamamyrykon yry’po enepotome.

• Otonome ko na’na tawa’pore nan morokon potono ata’nanono ta ta’ta ?

• Oty enesan ko o’wa o’win poto’su ata’nanono ?