Koipore moro juru pinapo’ke o’waine ero kareta apemypo mengapo poko, na’na emamigon, na’na wota’nanotopo, na’na ukutome enapa o’waine. Na’na te i’se man ukutyry o’waine na’na wa, moro Jehowah nisanory kapyry. Na’na apori’tomaton aikepy’pa awomepatokome Tamusi ukutyry poko, ajomorykon, apawanarykon maroine orupatoko erokon awomepatokon poko, okapyn na’na maro a’tananose awopyrykon poko enapa (Simosu 10:23-25).

Moro ko’po ra’a Jehowah mukutaton, moro ko’po ra’a menetaton enapa one wara apynarykon i’wa. Moro ro asin pe imero ajytaton, irombo apanatomataton ipynatome enapa (1 Johanes 4:8-10, 19). One wara te ko, kurita wara ro, menepotaton ero wairy anisanorykon me ? Otonome ko iru’pa nan o’waine Tamusi nisanory kapyry ? Oty ko ajepanotaton Tamusi nisanory kapyry’se awaitokome na’na ekonda ? Mo’ko ajemepanen Tamusi karetary poko tawa’pore kynaitan ajepanotome erokon aturuponon ejutome, mo’ko ajomory, amyjaron enapa « Tamusi pyny ta awainopotokome [...] moro imatypyn amano wanome » (Judas 21).

Na’na asin pe imero akomapojanton, mo’jaro uwaponaka awytotokome moro ipororo emary ta, ero kareta poko awomeparykon ta : « Gardez-​vous dans l’amour de Dieu ».