Amykon otykon upiry’se nare awairykon, iru’pyn me moro Tamusi karetary uku’tome ? Moro ko’po nare amy imeropo uku’tyry’se awairykon o’win kari’na, o’win aitopo, o’win oty Tamusi karetary ta imeropo poko pai ? Aseke nare maturupoton tera moro Tamusi auran wa ipororo ajepanopyrykon, amy esykano poko ? A’a me aja’taine, moro kareta je’ny ata’nanotopo tano akutoko.

Kurangono amaminatopo otykon upitopo ita man. Pa’poro pai morokon Jehowah Ekary Aroponamon karetarykon waty man ajekosaine ajaurangon ta. Moro ata’nanotopo auto ta te, moro kareta je’ny ta, amykon aserynokon kareta man, amykon enapa tamusi karetary kapy’san amykon auranano ta, o’win iru’pyn auranano ukutopo kareta, amykon noro kareta tymengamy me. Morokon ata’nanono uwaporo, ipa’po me pai, morokon kareta akuru taro mandon. O’win ordinateur moropo terapa a’ta, moro logiciel Watchtower Library akuru taro mandon. Moro ordinateur ta o’win kareta je’ny tera man, ita ro pyime na’na karetarykon man, irombo sawone roten akuru man otykon upitome, amy auranano, o’win imeropo pai.

Mo’karon omepatonon waine akuru man moro ata’nanono Kresten emamyry emamin wairy jako. Moro ata’nanotopo tano kareta je’ny ajepanopyrykon taro man amy aurano kuramatome o’waine. Mo’ko omepatopo enenen, moro kareta je’ny enenen me man. Iru’pyn me morokon kareta kuramapo enejan moropo, morokon wenapotanokon kareta wairy enejan enapa. Mo’ko ro, mo’ko oka ekarinen ajemepanen pai, enepory taro o’wa man, one wara moro anisanory epory o’wa. Amy pairo ata’nanotopo tano kareta arory kapyn te man moro ije’ny wyinombo. Irombo te tuwaro kywairykon man erokon kareta anymary pona, ita enapa imerory kapyn man.

Moro Tamusi karetary kynganon moro ‘Tamusi nukutyry epotome’, « amy unemy’po karukuri upiry wara » upiry man (Tauroto’kon 2:1-5). Moro kareta je’ny ata’nanotopo tano ajepanopyry taro man.

• Oty ko kesepojaton moro ata’nanotopo tano kareta je’ny ta ?

• Noky ko ajepanopyrykon taro nan iru’pyn me moro kareta je’ny akutome ?