Moro Tamusi Karetary poko awomeparykon jako, o’win Jehowah Ekary Aropone maro, penaro ne me mekuramataton iwopyry uwaporo. Iwara enapa kywairykon man moro ata’nanonon wa kytorykon uwaporo. Moro wara kywairykon jako, iru’pyn me moro ata’nanon kasarotaton.

Iru’pyn jururu ipinatoko ojepan awomepary enapa. Otypan juru ta ko iru’pyn me monumengaton ? Kokorombo ajemaminary uwaporo, koine ne pai, mo’karon pitanikon ungasan mero ? Akorepe awomeparykon upiry jako, enetoko otoro juru iwairy taro awomeparykon irombo te amy pairo oty’wa kototakimapoton. Tyima ta omepatoko, anipanamarykon, anenerykon, aujaranatokon ewukatoko amy tera oty poko awonumengarykon pona. Tamusi erupatoko awomeparykon uwaporo, moro ro ajepanotaton awesykarykon pona, korona moro Tamusi Karetary ukutome owaine (Filipi 4:6, 7).

Morokon potonon aurananon upitoko, irombo morokon ejutopo andymotoko. Awomeparykon amory uwaporo, oty poko moro auranano wytory enetoko tera. Moro kareta ety moro a’saka’po ety poko onumengatoko, oty poko moro kareta auranary upitoko. Morokon ukusan enetoko. Morokon aturupono erupatoko rapa morokon potonon auranano poko. Irombo o’win o’win pai morokon a’saka’san erupatoko, irombo moro aturupono ejutopo upitoko. Morokon a’saka’san ta tamusi auran merosan erupatoko, irombo upitoko oty poko auranary (Apojoma’san 17:11). Moro a’saka’po tano aturupono ejutopo epory’po mero, imery amy yko upino o’to itary poko atuwarengepyrykon pona. Ise aja’taine, moro ata’nanono jako ajainarykon awongatoko, aseke awonumengarykon ekaritome.

Erokon aurananon mengary jako aremi wara ro ata’nanotopo ta, moro Tamusi karetary moro kopo rapa kusukutaton (Mateus 13:51, 52).

• Otypan omepangano apyiry ko nan ky’waine kywekuramatokome moro kywota’nanopyrykon wanome ?

• One wara ko awekuramary nan o’win auranano ejutome moro ata’nanonon jako ?