Moro siriko 1931 uwaporo, « Tamusi karetary poko omepanamon » atywano arojakon na’na. Morombo poro te, moro atywano Jehowah Ekary Aroponamon na’na ety me man. Pyime kenekanosaton amy asery kereke ety me iwairy. Moro siriko 2 700 kopo tera te, mo’ko iporono Tamusi’wa mo’karon typyitorykon tajato tywaije man « yjekary » aroponamon me (Jesaja 43:10-12).

Kynenepojan noky me Kytamusirykon wairy. Moro Tamusi ety, Jehowah, oko-to’ima dusun boto tymero man morokon penatonokon Tamusi karetary ta. Pyime te mo’karon imeronamon waine moro ety nero typetakama man Tamusi me, Jopoto me. Mo’ko iporono Tamusi te Moses’wa tywotukupo man Jehowah me, tyka man : « Ero ro yjety moro man moja’ro » (Exodus 3:15). Ero waro tanepo man mo’karon amykonymbo ikapy’san tamusi wara e’i’pa iwairy. Na’na waino pe man moro kurano Tamusi ety arory’ke.

Na’na emami enepojan. Pyime tamyikaporamon uwaponokonymbo wokyryjan, woryijan, Abel pato nanen waine Jehowah tamyika tywaije man, irombo ekary takaro i’waine man. Dusun dusun siriko poko Noe, Abraham, Sara, Moses, David amykon noro tywose mandon oka ekaronamon me « o’win poto’su kapurutu wara » (Simosu 11:4–12:1). O’win oka ekarinen moro auranano ytopo’po mo’ko o’to e’i’pyn aijomano. Na’na te kuru moro iporono ukupojan Tamusi poko.

Jesus ro rypo oka ekarinen me man. Moro Tamusi karetary kynejatojan « mo’ko iporono tamyikapore, mo’ko iporono me enapa » (Jesus nenepo’po 3:14). Aseke ro tyka man moro Tamusi ety ekaropo ty’wa irombo moro « iporono auranano amyikapopo ty’wa » (Johanes 17:26 ; 18:37). Mo’karon ipyitorykon waine enapa moro kurano ety arory man, ukupo’ry enapa i’waine man. Moro kapyry poko ro mo’karon Jehowah Ekary Aroponamon kynomikaton.

• Otonome ko mo’karon Tamusi karetary poko Omepatono waine, moro atywano typina nan « Jehowah Ekary Aroponamon » ?

• One wara a’ta nombopo po ro ko nono tu’po oka aroponamon Jehowah ekosa nan ?

• Noky ko mo’ko poto’su nero Jehowah Ekary Aropone me nan ?