Tamusi i’se man, mo’karon amandonon emamyry tawa’pore sara’me enapa o’win nono enurimapo tu’po paradise me.

« Ita’ro nare nan ! » mykataton pai. Tamusi karetary te kynganon kynaitan ro moro Tamusi nundymary pato. Tamusi i’se man, pa’poro amandonon waine moro tynisanory ukutyry moro tynundymary maro (Ware 37:11, 29 ; Jesaja 9:7).

Tamusi iru’pyn se man kywaine.

O’win iru’pyn jumynano iru’pyngon se man tymakon waine. Iwara enapa mo’ko kapu tano Kyjumyngon i’matypyn awa’ponano’se man kywaine (Jesaja 48:17, 18). Kynganon : « Mo’ko Tamusi nisanory me aitoto te kynaitan roten » (1 Johanes 2:17).

Tamusi ‘morokon tomarykon ta kytorykon’se man’.

Moro Tamusi karetary kynukupojan ky’waine mo’ko Kykanamombo kameparykon’se man « morokon tykatokonymbo poko », « tomarykon ta » kytotokome (Jesaja 2:2, 3). « O’win undynano toty awonganamon me » ta’nanose i’wa man, moro tynisanory ukupoto me ero nono tu’po (Apojoma’san 15:14).

Tamusi o’win kywairykon’se man toty awongatome.

Moro ironero kereke amandonon anaripapy’pa man ; o’win te kynypojaton iporono aipynanon ta (Johanes 13:35). Noky ko erome atowano’kon roten wokyryjan, woryijan emepanon Tamusi apojon me iwaitoko me o’win tywairykon ta ? Ejutopo epotoko ero kareta apemy’po ta.