Moro etykon wa enepory wara ro, morokon Tamusi ety awongatopo autykon, moro tamusi karetary tanon omepano ytopo me man, moro Tamusi nundymary poko : moro poko ro Jesus taurana tywaije man moro oka ekaropory poko (Lukas 8:1).

Morokon ta ro na’na Tamusi ety awonganon. Morokon auto ta ro, otykon andymojaton moro iru’pyn oka ekarotome (Mateus 24:14). Morokon Tamusi ety awongatopo auto pa’poro asewara e’ipa mandon, ija roten te tamy mandon. Ita ka amypo po, pyime tamusi na’nanopy’san kynota’nanosaton. Erokon sirikokon nyton iro ta, pyime tamusi na’nanopy’san wotapyimangary’ke, ainapatoro dusun i’wairy taro, na’na amykon amyi (o’win kurita ainatone i’wairy taro). One wara ko erokon no’ka’san ? (Mateus 19:26).

Paporo erokon auto tamy mandon pyime waine tyturu’san maro pyrata yry’ke. Erokon pyrata aropojaton moro apyimy apony undy waitopo wa, morokon tamusi na’nanopy’san waine, morokon auto amyry’se aitonokon waine, irombo ikuramatoko me rapa.

Wara ro aitopo wyino opy’san waine, epe’ma pa erokon auto tamy man. Pyime aitopo ta, amykon apyimykon Tamusi ety awongatopo auto kanamon (tajato mandon aseke itotonokon, pyitonanon enapa Tamusi ety awongatopo auto amynamon me), wararo morokon a’nanopy’san taka kynysaton, morokon tyse aitopo taka ro rypo, tasakarykon epanoto me morokon autokon katome. Amykonymbo omepa’san ko’wu, morokon auto kapyry ikuramary enapa enenamon me mandon amykon aitopo po. Aronge pyime moro amaminano ukunamon oka ekaronamon konosaton opano yje, mo’karon aitopo tanokon roten te moro poto’su amaminano kasaton. Pa’poro erokon otykon konoka’san Jehowah a’kary pato, mo’ko tyna’nanopy’po undynano womikary pato enapa (Ware 127:1 ; Kolose 3:23).

• Oty poko ko na’na erokon auto ejatojan Tamusi ety awongatopo auto me ?

• One wara ko na’na morokon Tamusi ety awongatopo auto amyjan wararo nono tu’po ?