OMEPATOPO 02
Moro Tamusi karetary o’win iru’pyn aireno momokyry yjan
Wararo nono tu’po, mo’karon amandonon waine morokon ta’karykatokon, awosin pangon otykon undymary man. Eropan ata’karykano mepoton tera ? Jetun pe pai mandon, amy anipynarykon pai tutaka o’waine man. Maturupojaton pai : « O’win kurita nare iru’pa otykon naitan ? » Moro Tamusi karetary ta, ero aturupono ejuto’po mepotaton atu’rusan andymotome.
1. Otypan aimomono yjan ko moro Tamusi karetary ?
Moro Tamusi karetary kenekarisan o’tono’me yja’wan me imero ero nono wytory, o’win iru’pyn oka ekari’san enapa te : eromembo roten pa’poro morokon awosin pangon otykon kynarorykon kunutatan. Morokon Tamusi karetary tanokon aporemyndo’san « o’win aireno, o’win aimomono enapa » yry man ekari’san (Jeremia 29:11, 12 erupary). Kapanosaton morokon tyja’naramon otykon po’ponaka kywepori’tomatokome, ipororo imero tawa’pore kywaitokome.
2. Otypan aireno aporemyndojan ko moro Tamusi karetary ?
Moro Tamusi karetary kynganon akorepe ne waty noro, « moro romo’no waty noro rapa kynaitan » irombo « kata’mato aino, atamono, ata’karykano waty noro rapa kynaitan » (Jesus nenepo’po 21:4 erupary). Pa’poro morokon ewapo’pa kyponamon, tyja’naramon otykon, moro omi ta aino, moro emambo’pa aino, moro anyky, moro romo’no waty noro rapa kynaitan. Moro Tamusi karetary i’matypyn me moro sara’me aino wairy man, ekari’san mo’karon amandonon waine moro paradijs me nono we’i’po tu’po.
3. One wara ko moro Tamusi karetary tanokon aporemyndo’san wokapyry man, amyikary nan ?
Pyime amandonon o’win iru’pyn aireno wopyry momosaton, anukuty’pa te mandon ipororo ero wokapyry man. Moro Tamusi karetary naporemyndorykon te amy me terapa man : ipororo konokataton. Ero amyikatome, ‘iru’pyn me erokon Imerosan mengary man’ (Apojoma’san 17:11). Moro Tamusi karetary poko awomeparykon ro kynukupotan o’waine moro inaporemyndory amyikary taro awairykon moro aireno poko.
KORONA OTYKON UKUTYRY
Kysenesen one wara moro amano wairy man moro Tamusi karetary naporemyndorykon wokapyry man jako. Irombo kysenesen oty enepyry man erome ro moro Tamusi karetary tano aimomono’wa.
4. Moro Tamusi karetary o’win ija’wanpyn amano yry ekari’san, i’matypyn me enapa
Moro po’pono umemy’po amykon Tamusi karetary naporemyndorykon ekari’san. Otypangon ko aturu’san ytukanon irombo o’tono’me ?
Morokon amoto’san erupary man o’win o’win pai, irombo erokon aturupono poko onumengako :
-
Otypan aimomono yjan ko ky’waine ero Tamusi karetary tano imero’po ? Erokon nare iru’pa ajomorykon ytan, aja’sakarykon pai ?
O’win nono poko onumengako, moro po :
|
AMY PAIRO KARI’NA… |
PA’PORO KARI’NA… |
|---|---|
|
|
|
|
|
|
|
|
|
|
5. Moro Tamusi karetary nyry aimomono kamamyrykon y’petakamary taro man
Pa’poro moro nono tu’pono tyja’naramon otykon enery jako ty’waine, pyime amandonon kynirupotaton, konorekojaton pai. Amykon kynekujaton ry’po otykon y’petakamatome. Enetoko one wara o’win woryi turu’po andymo’po morokon aporemyndo’san’wa, iru’pa rapa morokon otykon wairy man poko. Moro ikapy’po VIDEO eneko irombo morokon aturupono poko orupako.
-
Otypan emambo’pa aino’wa ko Rafika tamiromoka tywaije nan ?
-
Iro rory’po utapy’pa ero emambo’pa aino we’i’poto, one wara ko moro Tamusi karetary’wa Rafika tapanose tywaije nan ?
Moro Tamusi karetary nyry aimomono o’win iru’pyn aireno poko, kapanopyrykon taro man kyrupomamyrykon y’mondotome irombo morokon tyja’naramon otykon arory ukutome. Moro Tauroto’kon 17:22, Rome 12:12 erupako, irombo erokon aturupono poko orupako :
-
Ero aimomono etary nare moro ajemamyrykon kuramary taro nan erome ro ? Oty poko ?
AMYPO’PO KYSETATON : « Tamusi karetary naporemyndory typo roten man. »
-
O’waine rapa, o’tono’me ko poto me ne nan aseke ro moro Tamusi karetary mengary ?
KOI ROTEN
Moro Tamusi karetary ipororo aire tawa’pore kywairykon man ekari’san, irombo ero aimomono ro kapanosaton morokon tyja’naramon otykon po’ponaka kyweja’nakatokome.
Amykon otykon enery rapa
-
O’tono’me ko aimomono’se kytaton ?
-
Oty ekari’san ko moro Tamusi karetary moro koropono poko ?
-
One wara ko erome ro moro Tamusi karetary tano oka moro aimomono poko, ajemamyrykon kuramary taro nan ?
AMY TERA OTY EPORY NORO
Amykon tera otykon kenenepojan moro aimomono’wa pori’tonano yry.
« Moro aimomono : oje ko epory nan ? » (Ajupakatoko !, 22 avril 2004)
One wara ko o’win iru’pyn koropono momokyry mo’karon anyky na’karykaporykon epanopyry taro nan ?
« O’win anyky maro ajemamyry : moro Tamusi karetary nare iru’pa nan ? » (jw.org karetary)
O’win video tano ware ajepanotokome moro koropono ajemamyrykon enetome o’waine, ajomorykon maro moro paradijs Tamusi karetary nekarityry ta.
Amy tonomy enenen wokyry, emamyry tywepetakama man morokon Tamusi karetary tanokon naporemyndo’san ene’po mero.
