OMEPATOPO 03
Moro Tamusi karetary amyikary taro nare kytaton ?
Moro Tamusi karetary ta pyime onumengano, aporemyndo’san enapa man. Ukutyry’se pai mandon otypan omepano yry i’wa, iro rory’po eropangon aturupono poko aseke awoturuporykon jako : « O’win penato kareta amyikary taro nare kytaton ? », « O’to moro Tamusi karetary wykary nare iru’pa nan kynakurukon me erome ? », ero wara pai « Moro aireno poko inekarityry amyikary taro nare kytaton ? » Pyime suma a’a me mandon. Amyjaron ra’a ? Na’na apori’tomaton aseke ro awonumengarykon katome.
1. Moro Tamusi karetary ipororo nare otykon wokapy’san ekari’san ?
Moro Tamusi karetary kunukupojan ‘iporonokon auranano wairy’ ita (Ekaronen 12:10). Iporo amykon otykon wokapy’san poko, amykon kari’na we’i’san poko enapa kynaurananon (moro Lukas 1:3 ; 3:1, 2 erupary). Pyime otykon ekarinamon, penato’san otykon upinamon waine enapa, takarise man iporo moro Tamusi karetary wykary amykon kuritakon, amykon amandonon, amykon aitokon, amykon otykon wokapy’san ekarityry jako i’wa.
2. O’tono’me ko kykarykon taro kytaton penato me kapyn moro Tamusi karetary wairy ?
Pyimano otykon ta, moro Tamusi karetary’wa penaro tera otykon wokapyry takarise tywaije man. Eneko tyre, oty upinamon nepory’san poko auranary jako, iporo kenekari’san. Seme te, imeropomboto, anamyika’pa nase mo’karon kari’na tywaije mandon. Ipa’po me te, mo’karon oty upinamon waine tanepo man iporo o’to moro Tamusi karetary wykary. ‘Mo’ja ro o’to moro Tamusi karetary wykary amyikary taro kytaton’ (Ware 111:8).
3. O’tono’me ko Tamusi karetary nekarityry amyikary taro kytaton ?
Moro Tamusi karetary ta a, « amykon okapy’pa nanen aitonon otykon » mandon (Jesaja 46:10). Penaro ro, pyime otykon wokapyry man takarise i’wa man iwokapyrykon uwaporo. Iru’pyn me imero eromeno kamamyrykon takarise i’wa man. Ero omepano ta, amykon Tamusi wykatokonymbo kysimengataton. Ajenarangataton pai ipororo o’to ikary !
KORONA OTYKON UKUTYRY
Amykon oty upinamon nepory’san poko moro Tamusi karetary auranary kysenesen, irombo amy iru’pyngon Tamusi wykatokonymbo kysimengasen.
4. Moro Tamusi karetary mo’karon otykon upinamon nepory’san maro kynysan
O’to moro Job karetary wyka’po kysenesen 3500 siriko tera. Moro Job 26:7 erupako irombo ero aturupono poko orupako :
-
O’tono’me ko erangato’to nan moro Tamusi karetary’wa ekarityry jako ‘amy pairo oty tu’po moro nono andymo’pa iwe’i’po’ ?
Morokon siriko 1800 ta roten mo’karon otykon ukunamon waine tukuse man one wara moro tuna emaminary. Seme te pyimano siriko tera moro Tamusi karetary’wa ero oty wokapyry takarise tywaije man. Moro Job 36:27, 28 erupako irombo erokon aturupono poko orupako :
-
O’tono’me ko iru’pyn me imero nan sawone roten moro tuna emaminary ekarity’po ?
-
Morokon kynerupasan imero’san nare moro Tamusi karetary amyikapopojan o’waine ?
5. Moro Tamusi karetary’wa potonon otykon wokapyry takarise man
Moro Jesaja 44:27 – 45:2 erupako, irombo ero aturupono poko orupako :
-
Moro Babylon womary man poko, oty ko moro Tamusi karetary’wa takarise tywaije nan 200 siriko uwaporo ?
Moro Tamusi karetary wyka’po wara ro tywokase man. Mo’ko Persia pono jopoto Sirus mo’karon tysundatyrykon maroine, moro Babylon tapyije tywaije man moro siriko 539 kysirikorykon uwaporo. Moro aitopo umenen tuna tarukanopo i’waine man. Morokon pena etapuru’maka’san pato, tywomy mandon owoma’pa moro aitopo apyije. Erome, 2500 siriko pa’po me, Babylon topu usiko’po me roten man. Kysenesen oty ekaritypombo moro Tamusi karetary’wa.
Moro Jesaja 13:19, 20 erupako, irombo ero aturupono poko orupako :
-
One wara ko moro Tamusi auranymbo tywokase tywaije nan ?
Moro Babylon wotororokapo moro Irak po.
6. Moro Tamusi karetary’wa erome kynenerykon takarise tywaije man
Moro Tamusi karetary kysirikorykon ejatojan « morokon irokonymbo ro kurita » (2 Timoteus 3:1). Ero wara tyka man ero poko :
Moro Mateus 24:6, 7 erupako, irombo ero aturupono poko orupako :
-
Moro Tamusi karetary pame, oty ko nokatan morokon irokonymbo kurita jako ?
Moro 2 Timoteus 3:1-5 erupako, irombo erokon aturupono poko orupako :
-
Moro Tamusi karetary pame, one wara ko mo’karon amandonon wonumengary naitan morokon irokonymbo ro kurita jako ?
-
Mo’karon amandonon emerykon ra’na, otypan ko menejaton ara’naine ?
AMYPO’PO KYSETATON : « Moro Tamusi karetary o’win ikapy’san auranano karetary moro man. »
-
O’wanokon me, otypan oty ko nenepojan tamyikamyn me Tamusi karetary wairy ?
KOI ROTEN
Moro auranano, mo’karon oty upinamon nepory’san, morokon Tamusi wykatokonymbo kenenepojan Tamusi karetary amyikary taro awairykon.
Amykon otykon enery rapa
-
Moro Tamusi karetary nare iporo oty ekari’san, tykase roten te katu nan ?
-
Otypangon okapy’san otykon ko nenepojan moro Tamusi karetary wopory mo’karon otykon upinamon nepory’san maro ?
-
O’wanokon me, moro Tamusi karetary nare moro koropono wokapyry man ekari’san ? Oty poko ?
AMY TERA OTY EPORY NORO
Mo’karon oty upinamon nepory’san enery jako, moro Tamusi karetary’wa nare otykon tamonose nan ?
« Mo’karon otykon upinamon nepory’san nare nopojan moro Tamusi karetary maro ? » (jw.org karetary)
Morokon irokonymbo ro kurita poko, oty ukupojan ko morokon otykon wokapy’san ?
« 6 Tamusi wykatokonymbo wokapyrykon ajembataine » (Moro Kawo Auto ta tuwaro aino, 1er mai 2011)
One wara ko morokon Tamusi wykatokonymbo moro Griek waitopo poko tywokase tywaije nan ?
Morokon Tamusi wykatokonymbo’wa amy wokyry wonumengary tuma man moro Tamusi karetary poko.
« Y’wanome, Tamusi waty tywaije man » (Moro Kawo Auto ta tuwaro aino no 5 2017)
a O’win Tamusi auran wykatopombo, o’win Tamusi wyino o’toto oka moro man, eneko tyre amy oty wokapyry man ekari’san.
