« Tamusi pa’poro anakumbo y’kokatan enurukon wyino. Romo’no waty noro rapa kynaitan, kata’mato aino, atamono, ata’karykano waty noro rapa kynaitan » (Jesus nenepo’po 21:3, 4).

Tamusi Karetary ajerupanon :

Tamusi kapyn morokon yja’wangon oty ene’san o’ tupo nakaine (Jakobus 1:13),

awota’karykary kon jako uku’tokon Tamusi a’jetungon apo’jan (Sakaria 2:8),

kyturu’san ewaporo’jan enapa erokon aikepyry amy kurita (Ware 37:9-11).

A’a, oko onumeganon boko :

• Tamusi atoʼke man morokon ataʼkarykano, emambo’pa aino enapa. Enetokon te oty apopombo Jehowah’ wa mene mokaron ty’nananopy’san kotamary jako. Moro ikaretary kynganon « ipu’ni’warykon jako moro yja’wan me tanary’kon ta ikotanory enetokonymbo i’wa man » (Undymanamon 2:18, Bible en français courant).

  Tamusi ato’ke irombo man mokaron tasa’gary poko yja’wan me mandon inairon. Enetokon tyre moro ikaretary kynganon « morokon aina nanon typo roten mynu ykane ato’ke imero man » (Proverbes 6:16, 17, Asery Tamusi karetary uma’po).

• Tamusi nare tuwaroʼroʼry bo na kypokoine. Pa’poro kari’na aseke « ty’jetun apo’jan, ty’wotakarykary enapa », Jehowah ro’ry’bo kunuku’san ! (2 Kroniki 6:29, 30).

  Akorepe ne waty noro Jehowah morokon ata’ karykanon aike’katan kywaine moro tynundymary ke (Mateus 6:9, 10). Tywaimomokyry jakoro kapanosaton tupiry poko kywe’kurukon jako (Apojoma’san 17:27 ; 2 Korinte 1:3, 4).