El expresion “ta comversa na otro-otro maga lenguaje” ta refiri na milagroso abilidad que tiene el cuanto maga Cristiano del primer siglo quien ya puede converza otro lengguaje maskin nuay sila aprende con este. (Maga Actividad 10:46, El Nuevo Testamento na Chavacano) Ta entende lang dayun kanila aquellos quien sabe ese lengguaje. (Maga Actividad 2:4-8) Este abilidad amo uno del maga regalo del sagrao espiritu que ya dale el Dios na cuanto del maga Cristiano del primer siglo.​—Maga Hebreo 2:4; 1 Corinto 12:4, 30.

•  Onde y cuando ya principia converza na otro-otro lengguaje el maga gente?

•  Cosa el proposito de este?

•  El maga gente ba hay continua converza na otro-otro lengguaje?

•  Del cuando este ya termina?

•  Tiene ba siempre este milagroso abilidad ahora?

•  Paquemodo puede conoce con el maga deverasan Cristiano?

 Este milagro ya principia na Jerusalem na aga de Judio Fiesta de Pentecostes del 33 C.E. Maga 120 del maga dicipulo de Jesus el yan junto-junto cuando “todo sila ya queda lleno del Espiritu Santo y ya principia sila comversa na otro-otro lenguaje.” (Maga Actividad 1:15; 2:1-4) Bien manada gente estaba “na todo nacion del mundo” el yan junto-junto y el “cada uno diila ya puede oi con aquellos maga gente ta comversa disuyo mismo lenguaje.”​—Maga Actividad 2:5, 6.

1.   Para dale mira que el Dios ta suporta con el maga Cristiano. Del antes, el Dios ya hace maga milagro para dale mira que ta suporta le con el maga fiel gente igual con Moises. (Exodo 4:1-9, 29-31; Numero 17:10) Cuando ya puede converza na otro-otro lengguaje el maga gente, ta dale tambien quel mira que el Dios ta suporta con el Cristiano congregacion que nuevo lang ya forma. Si apostol Pablo ya escribi: “El conversada de otro maga lenguaje gendeh un señal para con aquellos quien ta cree, sino para con aquellos quien gendeh ta cree.”​—1 Corinto 14:22.

2.   Para puede predica el maga Cristiano con el todo clase de maga gente. Aquellos quien ya puede oi con el maga siguidores de Jesus na dia del Pentecostes ya habla: “Todo kita ta puede oi canila predica na diaton mismo lenguaje por causa del maga grande maga cosa-cosa que ya hace el Dios.” (Maga Actividad 2:11) Entonces, el otro importante proposito de este milagro amo para ayuda con el maga Cristiano “anuncia” y “hace maga dicipulo con todo el maga gente” como cosa kanila ya manda si Jesus. (Maga Actividad 10:42; Mateo 28:19) Maga 3,000 del quien ya mira con el milagro y ya oi con el diila predicacion el ya queda maga dicipulo na ese mismo dia.​—Maga Actividad 2:41.

 Gendeh. Temporario lang el maga regalo del sagrao espiritu, incluido ya el converzada na otro-otro lengguaje. El Biblia ya predicta: “El regalo para man profeta ay desaparece lang. El regalo para comversa na maga otro-otro lenguaje ay pasa lang.”​—1 Corinto 13:8.

 El maga regalo del sagrao espiritu ta hace pasa na otro maga Cristiano na presencia del maga apostoles. Mas mucho para hace este, ta pone el maga apostoles el diila mano na otro maga Cristiano. (Maga Actividad 8:18; 10:44-46) Ta sale que aquellos quien ya ricibi maga regalo del espiritu estaba na maga apostoles, gendeh con ese ta hace pasa na otro. (Maga Actividad 8:5-7, 14-17) Para ilustra, el un oficial de gobierno puede dale licencia de manejada con el un persona pero el quien ya puede ricibi con ese nuay derecho para dale licencia con maskin quien. Ta sale que el converzada de otro-otro lengguaje ya termina cuando ya muri el maga apostoles y aquellos quien personal ya ricibi con ese regalo kanila.

 El milagroso regalo que converza na otro-otro lengguaje ya termina na fin del primer siglo C.E. Nuay quien puede habla ahora que ta puede le converza na otro-otro lengguaje por medio na poder del Dios.

 Si Jesus ya habla que puede conoce con el de suyu maga dicipulo por medio na diila amor. (Juan 13:34, 35) Ya enseña tambien si apostol Pablo que el amor el permanente identificacion del maga deverasan Cristiano. (1 Corinto 13:1, 8) Ya habla tambien le que na ayuda del espiritu del Dios, el maga Cristiano puede tiene el maga calidad que ta llama “el maga fruta del Espiritu.” El primer calidad de ese amo el amor.​—Galacia 5:22, 23.