“El Alfa y el Omega” ta refiri con Dios Jehova, el Todopoderoso. Este termino puede le tres beses na Biblia.​—Revelacion 1:8; 21:6; 22:13, El Nuevo Testamento na Chavacano. a

 El alfa y omega amo el primero y el ultimo letra na Griego alfabeto, el lengguaje que ya usa para escribi con el cuanto parte del Biblia que comon ta llama el Nuevo Testamento, incluido el libro de Revelacion. El posicion de este maga letra na Griego alfabeto ya usa para dale mira que si Jehova lang el principio y el fin. (Revelacion 21:6) Ele el Dios Todopoderoso na tiempo nuay principio y hay continua le queda Dios Todopoderoso hasta para cuando. Ele solamente el uno quien “na tiempo nuay principio hasta na tiempo nuay fin.”​—Salmo 90:2.

 El Biblia ta usa con este termino para refiri con Dios Jehova y con el de suyu Anak, si Jesus. Pero, diferente el cosa este quierre decir. Considera con el dos ejemplo:

•   Na Isaias 44:6, si Jehova ya habla: “Iyo el primero y iyo el ultimo. Nuay mas otro Dios puera conmigo.” Ya hace claro si Jehova na este texto que ele el verdadero Dios hasta para cuando y nuay mas otro puera con ele. (Deuteronomio 4:35, 39) Entonces, el expresion “el Primero y el Ultimo” y “el Alfa y el Omega” igual el cosa quierre decir.

•   Mas pa, el termino “el Primero [pro’tos, gendeh alfa] y el Ultimo [e’skha·tos, gendeh omega]” ya abuya na Revelacion 1:17, 18 y 2:8. El contexto ta dale mira que el con quien ta refiri na ese maga versiculo ya muri y ya vivi otravez na uliji. Poreso, este maga versiculo gendeh puede refiri con Dios ciendo nunca le ya muri. (Habacuc 1:12) Pero, si Jesus ya muri y ya resucita con ele. (Maga Actividad 3:13-15) Ele el primer gente que ya resucita para na imortal espiritu na cielo que donde ta vivi ya le “hasta para cuando.” (Revelacion 1:18; Colosa 1:18) Despues resucita con Jesus, sucede el todo resureccion por medio con ele. (Juan 6:40, 44) Entonces, ele el ultimo que ya resucita si Jehova directamente. (Maga Actividad 10:40) Poreso, justo lang llama con Jesus “el Primero y el Ultimo.”

 Gendeh. Nuay especifico menciona si quien el tan cuento na Revelacion 22:13 y gendeh lang uno el quien tan cuento na este capitulo. Acerca na este seccion de Revelacion, si Professor William Barclay ya escribi: “Gendeh claro el pagka-sunod-sunod del cosa ya escribi aqui; . . . y gendeh facil para sabe si quien gayot el actual ta converza.” (The Revelation of John, Volume 2, Revised Edition, pagina 223) Entonces, “el Alfa y el Omega” que ya menciona na Revelacion 22:13 amo el mismo Persona que tiene ese titulo na Revelacion​—nuay otro amo si Dios Jehova.