El Biblia ta habla que gendeh malo y importante pa gane que tiene kita amor na diaton mismo cuerpo. Ese amor ta inclui que cuida, respeta y dale importancia con el cuerpo. (Mateo 10:31) En vez de pensa lang con el diaton mismo cuerpo, el Biblia ta anima que tiene kita justo amor na diaton mismo cuerpo.

Con quien kita debe una ama?

1.   El amor con Dios el debe una na diaton corazon. El Biblia ta enseña que el de con todo importante mandamiento amo: “Ama con el Señor, el dituyo Dios con todo el dituyo corazon.”​—Marcos 12:28-30, El Nuevo Testamento na Chavacano; Deuteronomio 6:5.

2.   El ika-dos de con todo importante mandamiento amo: “Ama con el dituyo maga vecinos como ta ama tu con el dituyo mismo cuerpo.”​—Marcos 12:31; Levitico 19:18.

3.   Maskin pa nuay dale especifico mandamiento el Biblia que ama con el de tuyu mismo cuerpo, el mandamiento que “ama con el dituyo maga vecinos como ta ama tu con el dituyo mismo cuerpo” ta dale mira que el justo amor y respeto na cuerpo normal lang y importante.

Con quien si Jesus ya ama una?

 Ya dale mira si Jesus si paquemodo queda balance na diaton amor con Dios, na projimo, na diaton mismo cuerpo y ya enseña le con el de suyu maga dicipulo que sigui con el de suyu ejemplo.​—Juan 13:34, 35.

1.   Ya ama le una con Dios Jehova y yan focus le na hacida del voluntad del Dios. Ele ya habla: “El mundo necesita sabe cay yo ta ama con el Tata y que ta hace yo el cosa el Tata ya manda conmigo.”​—Juan 14:31.

2.   Ya ama si Jesus con el de suyu projimo. Ya dale se ele mira cuando ya dale le el necesidad del otro, maskin pa gane el de suyu mismo vida.​—Mateo 20:28.

3.   Ya dale le mira que tiene le justo amor na de suyu mismo cuerpo cuando ya dale le tiempo para descanza, come y man junto con el de suyu maga siguidores y con aquellos tiene potencial queda dicipulo.​—Marcos 6:31, 32; Lucas 5:29; Juan 2:1, 2; 12:2.

Si ta ama tu una con otro, quierre decir ba se que menora el de tuyu alegria y respeto na cuerpo?

 Gendeh, cay ya crea kanaton na imagen del Dios, quien tiene el importante calidad de amor. (Genesis 1:27; 1 San Juan 4:8) Quierre decir de este que ya diseña kanaton que dale mira amor con otro. Bueno que tiene kita amor con otro pero queda kita mas alegre si ta ama kita una con Dios y hace kita maga buen cosas con otro. Como cosa ya habla el Biblia: “Mas grande el alegria de aquel quien ta dale contra con el quien ta recivi.”​—Maga Actividad 20:35.

 Ahora, manada gente ta habla que queda sila alegre si hace sila una con el diila mismo cuerpo. Ya cambia sila con el “ama con el dituyo maga vecinos” y ya hace con ese “ama con el dituyo mismo cuerpo.” Pero el maga experiencia del maga gente ahora ta dale mira que ta resulta na buen salud y alegria si sigui con el consejo del Biblia: “No ustedes busca el de ustedes interes lang, sino el interes del los demas.”​—1 Corinto 10:24.