Quien el Anda na Cielo?
El contestacion del Biblia
Ya iscuji el Dios un limitao numero del maga fiel Cristiano quien hay resucita para vivi na cielo despues del diila muerte. (1 Pedro 1:3, 4) Para ricibi con este premio, debe sila continua obedece con Dios y mentena con el diila fuerte fe.—Efeso 5:5; Filipo 3:12-14.
Cosa hace aquellos quien anda na cielo?
Hay sirvi sila junto con Jesus como maga rey y sacerdote por 1,000 año. (Revelacion 5:9, 10; 20:6) Hay forma sila con el “nuevo cielo” o gobierno na cielo que hay rula con el “nuevo tierra” o con el maga gente aqui na tierra. Aquellos quien rula na cielo hay ayuda con el maga gente para vivi na manera que quierre el Dios desde el principio.—Isaias 65:17; 2 Pedro 3:13.
Cuanto el resucita para na cielo?
Ya indica el Biblia que 144,000 gente el quien resucita para vivi na cielo. (Revelacion 7:4) Por medio na un vision, si apostol Juan ya mira con el “un Carnero parao na Monte de Sion, y junto con ele ciento cuarenta y cuatro mil de maga gente.” (Revelacion 14:1-3, El Nuevo Testamento na Chavacano) Na este vision, el “Carnero” ta representa con Jesus quien ya resucita. (Juan 1:29; 1 Pedro 1:19) El “Monte de Sion” ta representa con el importante posicion de Jesus y del 144,000 quien rula junto con ele na cielo.—Salmo 2:6; Maga Hebreo 12:22.
Aquellos “maga llamao, el maga escugido,” quien rula junto con Cristo na Reino, ta llama tambien como el “diutay grupo.” (Revelacion 17:14; Lucas 12:32, NWT) Ese ta dale mira que poco lang sila si compara con el todo maga carnero de Jesus.—Juan 10:16.
Maga gendeh justo idea acerca con aquellos quien hay anda na cielo
Gendeh justo idea: El todo buen gente hay anda na cielo.
Verdad: Ya promete el Dios que hay tene vida hasta para cuando na tierra el mayoria del maga buen gente.—Salmo 37:11, 29, 34.
Si Jesus ya habla: “Nuay pa ni uno quien ya subi na cielo.” (Juan 3:13, El Nuevo Testamento) Entonces, ya dale le mira que nuay anda na cielo el maga buen gente quien ya muri antes le llega, igual con Abraham, Moises, Job y David. (Maga Actividad 2:29, 34) En vez, tiene sila el esperanza que resucita y vivi aqui na tierra.—Job 14:13-15.
Ta llama “primero resurreccion” con el resureccion para na cielo. (Revelacion 20:6) Ta dale este mira que tiene pa otro clase de resureccion. Amo este el resureccion na tierra.
El Biblia ta enseña que bajo na rulanza del Reino del Dios, “nunca mas ay tene muerte.” (Revelacion 21:3, 4) Este promesa hay sucede aqui na tierra ciendo nuay man muerte na cielo.
Gendeh justo idea: El cada persona puede decidi si vivi ba le na cielo o na tierra.
Verdad: El Dios determina si quien ricibi el premio de “vida na cielo.” (Filipo 3:14) Gendeh kita puede decidi si sirvi ba kita con Dios na cielo o aqui na tierra.—Mateo 20:20-23.
Gendeh justo idea: Mas bonito vivi na cielo contra na tierra. Aquellos quien vivi na tierra gendeh igual de bueno con aquellos quien anda na cielo.
Verdad: Ya llama el Dios con aquellos quien ricibi vida hasta para cuando na tierra como “de mio maga gente” y aquellos “con quien ya bendici si Jehova.” (Isaias 65:21-23) Hay tene sila el privilegio que cumpli con el original proposito del Dios para na maga gente—queda perfecto y vivi hasta para cuando na paraiso tierra.—Genesis 1:28; Salmo 115:16; Isaias 45:18.
Gendeh justo idea: Simbolico el numero 144,000 que ya menciona na Revelacion y gendeh deverasan numero.
Verdad: Maskin pa el Revelacion ta contene maga simbolico numero, el cuanto del maga numero aqui deverasan. Por ejemplo, ya menciona este acerca con el “maga nombre del maga Doce Apostol del Carnero.” (Revelacion 21:14) Considera el evidencia si porque kita puede habla que deverasan el numero 144,000.
El Revelacion 7:4 ya habla “si cuanto el maga gente ya queda marcao: Ciento cuarenta y cuatro mil.” Despues, ya menciona este con el segundo grupo: el “bien mucho maga gente (“grande grupo,” NWT) que no puede conta.” Aquellos parte del “grande grupo” hay ricibi tambien salvacion estaba con Dios. (Revelacion 7:9, 10) Si simbolico el numero 144,000 y ta refiri na un grupo que no puede cunta, ta dale este mira que nuay diferencia na este dos grupo. a
Mas pa, ya menciona con el 144,000 como “aquellos con quien ya rescata entre los demas maga gente como el primer maga fruta.” (Revelacion 14:4) El expresion “primer maga fruta” ta refiri con el un diutay parte del un mas grande grupo. Ta refiri este con aquellos quien rula na cielo junto con el Cristo para rula con el maga gente que nuay especifico numero aqui na tierra.—Revelacion 5:10.
a Si Professor Robert L. Thomas ya escribi acerca na numero 144,000 que ya menciona na Revelacion 7:4: “Un pijo numero este si compara na 7:9 que nuay especifico numero. Si trata con este como simbolico, nuay mas numero na libro el deverasan.”—Revelacion 1-7: An Exegetical Commentary, pagina 474.
Baka Gusta Tambien Tu
CONTESTACION NA MAGA PREGUNTA ACERCA NA BIBLIA
Cosa el Cielo?
Na Biblia, este palabra ta refiri na tres cosas.
ESSENTIAL BIBLE TEACHINGS
Cosa el Reino del Dios?
Durante el de suyu ministerio, manada beses ya enseña si Jesus acerca na Reino del Dios. Por cuanto siglo, el maga gente ta reza que ojala llega ya ese Reino.
ENSEÑANZA DEL BIBLIA
Pruba con el Libre Estudiada
Pruba con el diamon libre estudiada de Biblia junto con el un Testigo de Jehova.