El Biblia ta habla que debe kita evita con el sangre. Poreso gendeh kita debe acepta con el puro sangre o con el maga importante parte de este como comida man o para abona na diaton cuerpo. Nota con el siguiente maga texto:

•   Genesis 9:4. Despues del Avenida, ya permiti el Dios con Noe y de suyu familia come carne de animal pero ya manda le kanila que no come con el sangre. El Dios ya habla con Noe: “No ustedes come con el carne que tiene sangre.” Este mandato aplicable na todo gente principia aquel tiempo cay todo kita maga descendiente de Noe.

•   Levitico 17:14. “No come con el sangre del maskin cosa clase de creatura cay el vida del cada creatura talli na sangre. Hay mata con maskin quien ta come con ese.” Para con Dios, el vida talli na sangre y ele el dueño de este. Maskin ya dale con este ley para lang na nacion de Israel, ta dale este mira si paquemodo de serioso el Dios na de suyu mandato que no come sangre.

•   Maga Actividad 15:20, NWT. “Evita . . . con el sangre.” Ya dale el Dios con el maga Cristiano igual mandato que ya dale le con Noe. El historia ta dale mira que el maga Cristiano de antes nuay come sangre o usa con este para na curada.

Porque el Dios ya dale mandato que evita con el sangre?

 Tiene maga evidencia que el blood transfusion ta causa peligro na diaton salud. Pero, tiene mas importante razon si porque ya dale mandato el Dios que evita con el sangre​—cay para con ele, sagrao el cosa ta representa el sangre.​—Levitico 17:11; Colosa 1:20.