Nuay dale especifico direccion el Biblia acerca con el practica de cremation. Y nuay dale mandamiento el Biblia acerca na enterada o cremation na maga muerto.

 El Biblia ta contene maga ejemplo del maga fiel siervo del Dios quien ya entera con el diila maga muerto. Por ejemplo, si Abraham ya hace grande esfuerzo para busca lugar onde puede entera con el de suyu mujer, si Sara.​—Genesis 23:2-20; 49:29-32.

 Ya menciona tambien na Biblia acerca con el cuanto maga individual quien ya quema con el cuerpo del maga muerto. Por ejemplo, cuando si Rey Saul de Israel y de suyu tres anak hombre ya muri na guerra, el diila cuerpo ya esta na teritorio del maga contrario y nuay trata con este con respeto. Cuando ya sabe este el maga fiel soldao de Israel, ya anda sila saca con el cuerpo de Saul y del de suyu maga anak, ya quema con este y despues ya entera. (1 Samuel 31:8-13) Ta dale mira el Biblia que aceptable el cosa sila ya hace con el cuerpo de este maga muerto.​—2 Samuel 2:4-6.

 Gendeh justo idea: Gendeh puede resucita el Dios con el persona con quien yan cremate.

 Verdad: Si resucita el Dios con el maga muerto, gendeh importante con ele si cosa ya sucede con el cuerpo del un persona​—ya entera man con este, yan cremate, ya perde na mar o ya come el animal. (Revelacion 20:13) Gendeh dificil para con el Todopoderoso que crea otravez un nuevo cuerpo para de aquel persona.​—1 Corinto 15:35, 38.