El un escritor del Biblia, si Lucas, ya habla acerca na vida de Jesus: “Ya puede yo estudia embuenamente todo este desde el principio.”—Lucas 1:3.

 El otro ta habla que ya cambia del maga 300 C.E. con el maga record acerca na vida de Jesus que puede le na Evangelio que ya escribi el de suyu maga contemporario kanda Mateo, Marcos, Lucas y Juan.

 Pero, tiene importante parte del Evangelio de Juan el ya puede incuntra na Egipto del primer parte del año 1900. Conocido este ahora como el Papyrus Rylands 457 (P⁵²) y puede incuntra na John Rylands Library, na Manchester, England. Puede le aqui con el Juan 18:31-33, 37, 38 na maga Biblia ahora.

 Este el de con todo daan pedazo de manuscrito del Cristiano Griego Escritura. Manada scholar ta creé que ya escribi con este del maga 125 C.E., maga mas de 25 año lang el ya pasa cuando ya acaba escribi con el original manuscrito. El maga escribido na este manuscrito bien semejante na maga manuscrito que ya escribi na uliji.