Nuay manda si Jesus con el de suyu maga siguidores que tiene o gendeh tiene anak. Y nuay tambien dale mandato el maga dicipulo de Jesus acerca con ese. Gendeh tambien kita puede le na Biblia que ta condena con el birth control. Acerca con ese, el principio na Roma 14:12 ta habla: “Cada uno diaton ay dale cuenta con el Dios si cosa kita ya hace.”

 Poreso, el man maridable amo decidi si tiene ba sila anak o gendeh. Sila tambien decidi si cuanto anak sila quierre y cuando sila tiene anak. Personal decision y responsibilidad del man maridable si usa ba sila nonabortive clase de contraceptive para gendeh tiene anak. Nuay quien debe juzga kanila.—Roma 14:4, 10-13.