Na Biblia, el espiritualidad ta refiri con el deseo del un gente que hace alegre con Dios y tene el de suyu pensamiento. El un espiritual persona ta pricura vivi harmonia na principio del Dios y bajo na guia del De Suyu sagrao espiritu. a—Roma 8:5; Efeso 5:1.

 Si ta explica el Biblia acerca na espiritualidad, mas mucho ta discuti este maga cosas que ta hace el maga gente que nuay buen espiritualidad. Por ejemplo, gendeh igual na un espiritual gente, el fisical persona “gendeh ta puede entende el maga cosa-cosa del Espiritu de Dios” o con el cosa ta enseña el Dios. (1 Corinto 2:14-16, El Nuevo Testamento na Chavacano) Gendeh igual na maga espiritual persona, aquellos quien ta sigui na de suyu deseo na laman pronto lang “man selos . . . y ta man peleajan con uno y otro” en vez queda bondadoso y pricura tene paz. (1 Corinto 3:1-3) Ya llama tambien el Biblia con aquellos quien ta habla imbusterias acerca con otro y ta causa division como maga gente quien ta actua como maga animal y nuay espiritualidad.—San Judas 19; Proverbio 16:28. b

Na este articulo

•  Porque kita puede tene espiritualidad?

•  Porque importante tene buen espiritualidad?

•  Paquemodo yo puede tene buen espiritualidad?

•  Necesita ba yo religion para queda un espiritual persona?

•  Maga gendeh justo idea acerca espiritualidad

•  Maga texto na Biblia acerca na espiritualidad

 Puede kita tene espiritualidad cay ya hace kanaton na imagen del Dios. (Genesis 1:27) Poreso, gendeh ya maka-espanta que manada na maga gente el tiene apresacion na maga cosas que gendeh sila ta puede mira o agarra.

 Tiene kita natural abilidad que demonstra maga calidad igual de Dios Jehova, c igual na paz, lastima y imparcialidad. (Santiago 3:17) Omento pa, ta hace fuerte el Dios con el espiritualidad de aquellos quien ta pricura obedece con el de suyu maga mandamiento.—Maga Actividad 5:32.

 Puede kita tene “el paz y el vida” si tiene kita buen espiritualidad.” (Roma 8:6) Maga precioso regalo este estaba con Dios.

•   Vida: Ya promete el Dios que tene vida eterna el maga espiritual gente.—Juan 17:3; Galacia 6:8.

•   Paz: Este amo el paz entre con Dios. Aquellos quien tan focus lang na diila maga fisical necesidad amo maga enemigo del Dios. (Roma 8:7) Omento pa, ta bendici el Dios con aquellos quien ta pricura tene buen espiritualidad. Ta dale le kanila “el paz del Dios . . . que noay quien ta puede entende.” (Filipo 4:6, 7) Este clase de paz ta ayuda kanila para tene alegre vida.—Mateo 5:3.

•   Aprende y obedece con el maga mandamiento del Dios. Puede tu con ese hace por medio na lehida de Biblia donde ta contene el maga palabra del Dios que ya escribi el maga gente por medio na guia del sagrao espiritu. (2 Pedro 1:21) El cosa tu aprende hay ayuda contigo para adora con Dios “na Espiritu y na verdad”—asegun na guia del sagrao espiritu y harmonia na voluntad del Dios.—Juan 4:24.

•   Reza para na ayuda del Dios. (Lucas 11:13) El Dios hay ayuda contigo para demonstra maga calidad que ta dale mira que un espiritual persona tu. (Galacia 5:22, 23) Puede tambien este dale sabeduria para puede tu enfrenta con el maga probanza na vida.—Santiago 1:5.

•   Man junto con el maga espiritual gente. Hay anima sila contigo para hace fuerte con el de tuyu espiritualidad. (Roma 1:11, 12) Pero si asocia tu con aquellos maga gente que el pensamiento gendeh igual con Dios, hay puede se hace luya con el de tuyu espiritualidad.—Santiago 4:4.

 Gendeh quierre decir que parte ya tu del un religion, un espiritual persona ya tu. El Biblia ta habla: “Si un gente ta pensa que ele bien devoto con Dios, pero no puede controla el di suyo boca, ta engaña gayot ele con ele mismo y su manera de adorar con Dios no sirve nada.”—Santiago 1:26, El Nuevo Testamento.

 Maskin pa ansina, ya menciona el Biblia que el espiritual persona ta adora con Dios na manera que aceptable con ele. Ta creé sila que tiene lang un “Espiritu”—el sagrao espiritu del Dios. Ese espiritu ta motiva kanila para adora con Dios como un “cuerpo”—un organizao grupo que ta mentena con “el union que ta dale el Espiritu.”—Efeso 4:1-4.

 Gendeh justo idea: El todo creatura tiene espiritualidad.

 Verdad: El todo cosas que ya crea el Dios ta dale honor con ele. (Salmo 145:10; Roma 1:20) Pero, el maga gente lang el puede tene espiritualidad. Gendeh igual na maga gente, el maga animal ta move lang base na diila instinct y nuay sila abilidad para queda amigo del Dios. El todo cosa sila ta hace para lang na diila mismo necesidad. (2 Pedro 2:12) Poreso, puede le na Biblia que el espiritual persona diferente na maga gente quien ta actua como maga animal.—Santiago 3:15; San Judas 19.