El Reino del Dios amo hay cambia con el todo gobierno del gente y rula na entero mundo. (Daniel 2:44; Revelacion 16:14) Si sucede se, el Reino del Dios hay . . .

•   Quita con el maga malo, quien ta causa peligro kanaton todo. “Si acerca con el maga malo, hay quita kanila na tierra.”—Proverbio 2:22.

•   Termina con el guerra. “Hay termina [el Dios] con el maga guerra na entero mundo.”—Salmo 46:9.

•   Lleva prosperidad y seguridad na tierra. “Sinta el cada uno kanila, abajo del de suyu pono de uvas y abajo del de suyu pono de higo y nuay maskin quien hay hace miedo kanila.”—Miqueas 4:4.

•   Hace con el tierra un paraiso. “El desierto y el seco tierra hay tiene alegria y el patag lugar hay queda alegre y florea igual na saffron.”—Isaias 35:1.

•   Dale buen trabajo con todo que hace kanila alegre. “Hay queda sila bien alegre na cosa puede hace el diila mano. Gendeh sila trabaja que nuay provecho.”—Isaias 65:21-23.

•   Nuay mas enfermedad. “Nuay residente quien hay habla: ‘Enfermo yo.’”—Isaias 33:24.

•   Nuay mas quien queda viejo. “El de suyu laman queda mas fresco contra del joven; bira otravez el de suyu fuerza igual cuando joven le.”—Job 33:25.

•   Resucita con el maga muerto. “Todo el maga muerto ay oi el disuyo [de Jesus] voz, y todo sila ay sale.”—Juan 5:28, 29.