Acerca na cosa ya sucede na vida de Jesus, si apostol Juan ya escribi: “El quien ya mira este amo ta man testigo ahora para ustedes ay cree tamen. El disuyo maga palabra deverasan y ele sabe que ta habla le el verdad.”—Juan 19:35.

 El un razon para confia kita con el Evangelio que ya escribi kanda Mateo, Marcos, Lucas y Juan amo cay vivo pa el manada testigo de ese maga suceso cuando ya escribi con ese. Asegun na cuanto referencia, ya escribi con el Evangelio de Mateo maga ocho año despues del muerte del Cristo, maga 41 C.E. Manada scholar ta habla que mas uliji pa ya escribi con ese, pero tan uyun el mayoria que todo el maga libro na Griego Escritura ya escribi durante el primer siglo C.E.

 El maga gente quien ya mira con Jesus cuando vivo pa le, cuando ya muri le y cuando ya resucita con ele puede dale prueba que deverasan el cosa ya escribi na maga Evangelio. Puede tambien sila dayun habla si tiene kamali na ese maga Evangelio. Si Professor F. F. Bruce ya habla: “Uno del maga fuerte argumento del maga apostoles cuando ta predica sila amo cay sabe mismo el maga gente si cosa sila ta predica; nuay lang sila habla, ‘Ya puede kame mira con este maga cosas’ sino ‘Como ustedes mismo bien sabe.’ (Maga Actividad 2:22).”