El Biblia nuay menciona especifico fecha del nacimiento de Jesucristo como cosa ta dale mira el siguiente maga referencia:

•   “Nuay maskin quien sabe el deverasan fecha del nacimiento del Cristo.”​—New Catholic Encyclopedia.

•   “Nuay quien sabe el exacto fecha del nacimiento del Cristo.”​—Encyclopedia of Early Christianity.

 El Biblia nuay directamente contesta con el pregunta: ‘Cuando ya nace si Jesus?’ pero, ta discuti este dos suceso acerca del de suyu nacimiento que ya puede convinci con el manada gente que nuay le nace del Deciembre 25.

Gendeh na tiempo de winter a

1.   El registracion. Maga cuanto tiempo antes ya nace si Jesus, “todo el maga gente ya anda registra” bajo na mandato de Cesar Augusto. Debe sila todo registra “cada y cual na su pueblo.” Para na maga mayores de Jesus, posible que un semana este viaje o mas pa. (Lucas 2:1-3, El Nuevo Testamento na Chavacano) Este mandato posible ya hace para na coleccion de impuesto y para man recruit soldao. Gendeh conforme el maga gente hace con este na maskin cosa mes del año. Poreso, asigurao que gendeh forza si Augusto con el maga gente hace este largo viaje na tiempo de grabe frieldad cay baka mas rabia con ele el maga gente.

2.   El carnero. De aquel tiempo, el maga pastor “ta durmi na sereno y ta vicia con turno durante el noche, con el diila maga carnero.” (Lucas 2:8) El libro Daily Life in the Time of Jesus ya habla que el maga carnero ta esta apuera principia “na semana antes el Pascua [na ultimo parte del mes de Marzo]” hasta na medio parte del mes de Noviembre. Ya omenta pa este: “Durante el winter gendeh ta hace sale apuera con el maga carnero para protege kanila na frieldad; y base pa lang con este, puede kita mira que gendeh justo el fecha de Christmas que tiempo de frieldad, ciendo el Evangelio ta habla que el maga pastor ya esta apuera.”

Na principio del autumn b

 Puede kita sabe si cuando si Jesus ya nace si cunta kita el tiempo pa atras principiando na de suyu muerte del Pascua, Nisan 14 na tiempo de autumn del 33 C.E. (Juan 19:14-16) Maga 30 año si Jesus cuando ya principia le de suyu ministerio por tres año y media, poreso ya nace le na principio del autumn del 2 B.C.E.​—Lucas 3:23.

 Ciendo nuay evidencia que ya nace si Jesucristo na Deciembre 25, porque ta celebra con el Christmas na este fecha? El Encyclopædia Britannica ta habla que el maga lider de iglesia posible ya iscuji con este “para hace tupa na fiesta de Romano pagano” que ta refiri con el cumpliaño del sol, na tiempo del winter solstice. Asegun na The Encyclopedia Americana, manada maga scholar ta creé que ya hace este “para queda mas aceptable el Cristianidad para con aquellos maga pagano quien ya convirti.”