Si. El maga demonio amo ‘maga angel que ya peca’ y yan rebelde con Dios. (2 Pedro 2:4, El Nuevo Testamento na Chavacano) El primer angel quien ya hace demonio con el de suyu mismo cuerpo amo si Satanas Diablo, con quien ya llama na Biblia como “el Principe del maga demonio.”—Mateo 12:24, 26.

El rebelion na tiempo de Noe

 Ya menciona el Biblia acerca na rebelion del maga angel antes el Avenida na tiempo de Noe: “El maga anak del verdadero Dios ya principia nota que bonita el maga anak mujer del maga gente. Poreso ya saca sila kanila para queda diila mujer, todo con quien sila quierre.” (Genesis 6:2) Aquellos maga mal angel “ya abandona el lugar” na cielo y ya usa igual cuerpo de gente para puede sila man sexo na mujer.—San Judas 6.

 Cuando ya llega el Avenida, el maga rebelloso angel ya abandona con el diila cuerpo de gente y ya bira otravez na cielo. Pero, nuay mas kanila acepta el Dios para queda parte del de suyu familia. Como parte del diila castigo, el maga demonio nunca mas puede queda igual como gente.—Efeso 6:11, 12.