Incomparable el fuerza del Dios que puede mira na universo. Acerca na maga billones de estrellas, este el cosa ya habla el Biblia: “Man tanga ustedes na cielo y mira. Quien ya crea con este maga cosas? Ele el quien ta guia kanila como maga soldao y ta cunta le con el cada uno kanila; ta llama le [el Dios] kanila na diila nombre. Por causa na de suyu grande energia y incomparable poder, Nuay ni uno kanila el ya perde.”—Isaias 40:25, 26.

 Pero el Dios gendeh lang un poderoso fuerza. El Biblia ta habla que ele tiene sentido igual na amor y rabia. (Salmo 11:5; Juan 3:16) Ta habla tambien este que tiene efecto na emocion del Dios el accion del maga gente.—Salmo 78:40, 41.