El “Libro del Vida” que ta llama tambien como “libro de recuerdo,” ta contene el maga nombre del maga gente quien ricibi el regalo del vida hasta para cuando. (Revelacion 3:5; 20:12, El Nuevo Testamento na Chavacano; Malaquias 3:16) El Dios amo el ta determina si de quien nombre el puede inclui na ese libro base na obediencia y pagka-fiel de un persona.—Juan 3:16; 1 San Juan 5:3.

 “Desde na principio del mundo,” el Dios gendeh ta ulvida con el de suyu maga fiel siervo dol como ta escribi le el diila nombre na un libro. (Revelacion 17:8) Posible que el primer nombre que ya escribi na libro del vida amo de Abel. (Maga Hebreo 11:4) Gendeh lang este basta un lista de nombre, ciendo ese libro ta dale mira que si Jehova amo un amable Dios quien “conoce con el disuyo maga gente.”—2 Timoteo 2:19; 1 San Juan 4:8.

Puede ba borra con el maga nombre que escribido na “Libro del Vida”?

 Si. El Dios ya habla con el maga desobediente gente na Israel de antes: “El maskin quien ya culpa contra conmigo hay borra yo na de mio libro.” (Exodo 32:33) Pero si continua kita queda fiel, hay esta el diaton nombre na “Libro del Vida.”—Revelacion 20:12.