Ta acepta el Dios con el matrimonio entre na un hombre y mujer de diferente raza cay igual lang el de suyu mirada na todo raza. El Biblia ta habla que el Dios “igual lang ta trata con todo el maga gente . . . masquin de cosa nacion.”​—Maga Trabajo (Maga Actividad) 10:34, 35, El Nuevo Testamento.

 Considera con el cuanto principio na Biblia que tiene que hace na matrimonio y justo mirada na raza.

 El todo gente estaba con Adan, el primer gente y con Eva, el de suyu mujer, con quien el Biblia ya llama “el nana del todo maga gente.” (Genesis 3:20) Por causa con ese, el Biblia ya habla: “Dios ya crea un gente lang y ya sale con ese todo el maga raza de gente.” (Maga Trabajo 17:26, El Nuevo Testamento) Maskin cosa man el diila raza, parte del un familia el todo maga gente. Pero, paquemodo si fuerte el discriminacion na raza na lugar onde tu ta queda?

 Maskin aceptable con Dios el matrimonio entre na gente de diferente raza, gendeh ansina el mirada del todo gente. (Isaias 55:8, 9) Si ta considera tu casa con el un persona de otro raza, etu y el quien hay queda de tuyu marido o mujer debe discuti con este:

•   Paquemodo ustedes enfrenta con el maga pressure estaba na de ustedes comunidad o familia?

•   Paquemodo ustedes ayuda con el de ustedes maga anak enfrenta con el discriminacion?

 Puede queda alegre el de ustedes matrimonio si “ta consulta” ustedes con uno’y otro.​—Proverbio 13:10; 21:5.